Delhi / ગાડી ચલાવતી સમયે જો આ ડોક્યૂમેન્ટ સાથે નહીં હોય તો તમને થઈ શકે છે જેલની સજા, જાણી લો નવા નિયમો

• અહીં આવ્યા નવા ટ્રાફિક નિયમો
• PUCને લઈને દિલ્હીમાં થયા નવા નિયમો લાગૂ
• PUC સાથે નહીં હોય તો થઈ શકે છે જેલની સજા પણ

 
ટ્રાફિક રૂલ્સને લઈને જો તમે ભૂલથી પણ કોઈ બેદરકારી રાખશો તો તે હવે તમને મોંઘું પડી શકે છે. દિલ્હીમાં પોલ્યુશન કંટ્રોલ સર્ટિફિકેટ એટલે કે PUCના વિના ગાડી ચલાવવાનું તમારા માટે મુશ્કેલ બની શકે છે. દિલ્હી સરકારે PUC વિનાના વાહન ચાલકોને લઈને કડક નિયમો બનાવ્યા છે. જેમાં વાહન માલિકો પાસે વેલિડ પોલ્યુશન કંટ્રોલ સર્ટિફિકેટ હોવાની અપીલ કરી છે. આ સાથે રવિવારે એક સાર્વજનિક નોટિસ પણ જાહેર કરી છે. 

થઈ શકે છે કાર્યવાહી 
પરિવહન વિભાગની તરફથી રવિવારે જાહેર કરાયેલી નોટિસમાં કહેવાયું છે કે વેલિડ PUCના વિના પકડાશો તો 3 મહિનાને માટે તમારું ડ્રાઈવિંગ લાયસન્સ સસ્પેન્ડ થઈ શકે છે. આ સિવાય વાહન માલિકોને 6 મહિનાની જેલની સજા અને 10 હજાર રૂપિયાનો દંડ કે પછી આ બંને એકસાથે ભોગવવા પડી શકે છે.  
 

 
વધતા પોલ્યુશનને લઈને કરાયો છે નિયમ
નોટિસમાં કહેવાયું છે કે રાજધાનીમાં પોલ્યુશનમાં વધારો થઈ રહ્યો છે. આ માટે વાહન ચાલકો PUC સાથે વાહનો ચલાવે. વાહનથી નીકળતા પ્રદૂષણ કારક તત્વો જેવા કે કાર્બન ડાયોક્સાઈડ અને કાર્બન મોનોક્સાઈડની નિયમિત તપાસ પણ જરૂરી છે. આ પછી PUC સર્ટિફિકેટ આપવામાં આવે છે.