અમદાવાદમાં હાથ ધરાયું વાહન ચેકિંગ કેટલીક ગાડીઓમાંથી મળ્યો દારૂ

અમદાવાદમાં દિનપ્રતિદિન ગુનાઓનું પ્રમાણ વધી રહ્યું છે. ત્યારે લૂંટ અને હત્યા જેવા ગુનાઓ પર કાબૂ મેળવવા માટે ગઈ રાત્રે નરોડા વિસ્તારમાં પોલીસ દ્વારા સઘન ચેકિંગ હાથ ધરાયુ હતું. 

જેમાં ઝોન-4ના તમામ પોલીસકર્મી દ્વારા નરોડા વિસ્તારમાં ચેકિંગ હાથ ધરાયુ હતું. આ ચેકિંગ દરમિયાન પોલીસે કેટલીક ગાડીઓમાંથી દારૂ જપ્ત કર્યો હતો. 

આવા વાહન ચાલકો સામે પોલીસે કાયદાકીય કાર્યવાહી હાથ ધરી છે. ઉપરાંત જે વાહનચાલકો પાસે વાહનના પૂરતા ડોક્યુમેન્ટ્સ ન હતા તેવા વાહનો પણ ડિટેઈન કરી આગળની કાર્યવાહી હાથ ધરાઈ છે. 

ઉલ્લેખનીય છે કે પોલીસે આ વાહન ચેકિંગ દરમિયાન 20થી વધુ વાહનો ડિટેઈન કરી આગળની કાર્યવાહી હાથ ધરી છે. આ ઉપરાંત અમદાવાદમાં પાછલા થોડા દિવસોથી ટ્રાફિક વિભાગે પણ કડક પગલા ભર્યા છે.