Viral / શુદ્ધ શાકાહારી સોનુ સૂદના નામે ખોલાઈ મટન શોપ, તો એક્ટરે કહ્યું- હું શાકાહારી છું, આ બધું શું છે? મારા નામ પર...

• કોરોના કાળમાં એક્ટર સોનુ સૂદે સતત લોકોની મદદ કરી છે
• લોકો તેને મસીહા માનવા લાગ્યા છે
• હવે તેના નામે એક મટન શોપ ખોલવામાં આવી

વર્ષ 2020માં જ્યારે સોનુ સૂદે મજૂરોને તેમના ઘરે પહોંચાડવામાં મદદ કરી હતી તો બીજી તરફ, વર્ષ 2021માં તે જરૂરિયાતમંદોની સારવારમાં મદદ કરતો જોવા મળી રહ્યો છે. સોનુ કેટલાક લોકો માટે મસીહા તો કેટલાક માટે ભગવાન બની ગયો છે. કોઈ તેના માટે મંદિર બનાવી રહ્યું છે, તો કોઈ અભિનેતાના નામે તેમની દુકાન ચલાવી રહ્યું છે. હાલમાં જ સોનુની નજર આવી જ એક મટનની શોપ પર પડી.આ અંગે સોનુએ એક ફની રિએક્શન પણ આપ્યું છે. 

I am a vegetarian..
N mutton shop on my name?🙈
Can I help him open something vegetarian 😄 https://t.co/jYO40xAgRd

— sonu sood (@SonuSood) May 30, 2021

અભિનેતા સોનુ સૂદે એક વીડિયો શેર કર્યો છે. વીડિયો દક્ષિણની એક ન્યૂઝ ચેનલનો છે જ્યાં એક વ્યક્તિએ સોનુ સૂદના નામે મટનની દુકાન ખોલી છે. આ શખ્સે દુકાનની બહાર સોનુ સૂદનું બેનર પણ લગાવી દીધું છે. સોનુ સૂદની બ્લૂ શર્ટમાં એક મોટી તસ્વીર છે. આ દુકાન માલિક છેલ્લાં કેટલાક દિવસોથી ચર્ચામાં છે. પરંતુ જ્યારે આ વાત સોનુ સૂદને ખબર પડી ત્યારે તેનાથી પણ રહેવાયું નહીં અને તેણે પણ પ્રતિક્રિયા આપી હતી.

ટ્વિટર પર સોનુ સૂદે લાફિંગ ઇમોજી સાથે વીડિયો ક્લિપ શેર કરતી વખતે કહ્યું કે હું શાકાહારી છું. અને આ બધું શું છે? મારા નામની મટન શોપ! શું હું તેમને મદદ કરી શકું કે તે શાકાહારી ભોજન વેચે? સોનુ સૂદે આ વીડિયો શેર કર્યા પછી ચાહકો પણ તેના પર ખૂબ પ્રતિક્રિયા આપતા જોવા મળી રહ્યાં છે.

લોકોની મદદમાં લાગ્યો છે સોનુ

સોનુ સૂદે હાલમાં જાહેરાત કરી હતી કે તે આંધ્રપ્રદેશમાં બે ઓક્સિજન પ્લાન્ટ સ્થાપશે. કોરોનાની બીજી લહેરમાં સોનુ સૂદે ચીન અને ફ્રાન્સથી ઓક્સિજન કોન્ટ્રેસેન્ટરો લાવવાની ખાતરી આપી. આ સિવાય તે સતત જરૂરિયાતમંદો અને પીડિતોને મદદ કરવામાં લાગે રહ્યો. અભિનેતાના આ કામના બધે જ વખાણ થઈ રહ્યાં છે.