હેલ્થ / કોલેસ્ટ્રોલ ઘટાડે છે વેજીટેરિયન ડાઈટ, રોજ ખાઓ આ 10 વસ્તુઓ, જુઓ શું કહે છે એક્સપર્ટ

• કોલેસ્ટ્રોલ સમસ્યાને દૂર કરવા માટે શાકાહારી અને વેગન આહારનો ઉપયોગ કરો
• એપોલીપોપ્રોટીન બીનું ઉચ્ચ સ્તર હૃદય રોગના વધતા જોખમ સાથે સંકળાયેલું છે
• ડાયેટમાં ફાઇબરથી ભરપુર ખાદ્ય પદાર્થમાં સામેલ કરો

What foods to reduce Cholesterol: કોલેસ્ટ્રોલ એક ગંભીર સમસ્યા બની રહી છે. આ ચીકણો પદાર્થ રક્તવાહિનીઓમાં જમા થાય છે અને તેનું સ્તર વધવાથી તેમાં બ્લોકેજ થઈ શકે છે, જે રક્ત પ્રવાહને ધીમું કરી શકે છે અને હાર્ટ એટેક, સ્ટ્રોક અને હૃદય સંબંધિત રોગો તરફ દોરી જાય છે. કોલેસ્ટ્રોલને કારણે દર વર્ષે લગભગ 18 મિલિયન લોકો મૃત્યુ પામે છે. જો તમે આ જીવલેણ સમસ્યાને દૂર કરવા માટે શાકાહારી અને વેગન આહારનો ઉપયોગ કરી શકો છો.

વેજિટેરિયન ડાયેટથી કેવી રીતે ઘટે કોલેસ્ટ્રોલ 
સંશોધકોના મતે, પ્લાન્ટ બેલ્ડ ડાયેટમાં એથેરોજેનિક લિપોપ્રોટીનથી થતા એથરોસ્ક્લેરોટિક બોજને ઘટાડવાની ક્ષમતા હોય છે અને તેના કારણે હૃદય રોગનું જોખમ ઓછું થાય છે. સંશોધકોએ TC, LDL-C, TG અને apoB બ્લડ લેવલ પર વેજિટેરિયન અને વેગન ડાયેટને અસર વિશે જાણકારી મેળવી છે. 

10% ઓછુ થઇ શકે છે LDL કોલેસ્ટ્રોલ 
અભ્યાસ દરમિયાન, સહભાગીઓ પર તેમના એલડીએલ, અથવા ઓછી ઘનતાવાળા લિપોપ્રોટીન, જેને ખરાબ કોલેસ્ટ્રોલ તરીકે પણ ઓળખવામાં આવે છે તેના સ્તર માટે નિરીક્ષણ કરવામાં આવ્યું હતું. તેઓએ જોયું કે પ્લાન્ટ બેસ્ડ ડાયેટ લેનારાઓમાં એલડીએલનું લેવલ 10% ઘટી ગયું છે. તેઓએ એ પણ શોધી કાઢ્યું કે કુલ કોલેસ્ટ્રોલમાં 7% ઘટાડો થયો હતો.

એપોલિપોપ્રોટીન બી લેવલ પણ 14% ઓછુ થઇ ગયુ
એપોલીપોપ્રોટીન બીનું ઉચ્ચ સ્તર હૃદય રોગના વધતા જોખમ સાથે સંકળાયેલું છે. સંશોધકોએ એપોલીપોપ્રોટીન બી સ્તરો અને છોડ આધારિત આહાર વચ્ચે જોડાણ શોધી કાઢ્યું. તેઓએ જોયું કે આ આહારે તેમના એપોલીપોપ્રોટીન બીના સ્તરમાં 14% ઘટાડો કર્યો છે.

કોલેસ્ટ્રોલ ઓછુ કરવા માટે શું ખાવું?
જો આપણે પ્લાન્ટ બેસ્ડ ફૂડ્સ વિશે વાત કરીએ, તો તમારે તમારા ડાયેટમાં ફાઇબરથી ભરપુર ખાદ્ય પદાર્થમાં સામેલ કરવુ જોઈએ. ફાઇબર્સ પાચનતંત્રમાં કોલેસ્ટ્રોલ સાથે જોડાય છે અને પરિભ્રમણમાં પ્રવેશી શકે તે પહેલાં તેને શરીરમાંથી બહાર કાઢે છે. આ માટે તમે તમારી ડાયેટમાં ઓટ્સ, જવ, આખા અનાજ, કઠોળ, રીંગણ, ભીંડા, નટ્સ, વનસ્પતિ તેલ, મોસમી ફળો અને સોયા ઉત્પાદનો વગેરેનો સમાવેશ કરી શકો છો.

Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.