બિહારમાં આશરે 1 લાખ રૂપિયા કિલોના ભાવે વેચાતા શાકની ખેતીનો દાવો કરવામાં આવ્યો છે અને સોશિયલ મીડિયામાં પણ IAS ઓફિસર સુપ્રિયા સાહુએ શેર કરેલ ટ્વીટ વાયરલ થઇ હતી. ત્યારે હકીકતમાં આ દાવો ખોટો છે.
ભારતીય પ્રશાસનિક સેવાના અધિકારી સુપ્રિયા સાહુએ એક ટ્વિટ કરી છે જેમાં ખેડૂત અમરેશ સિંહ અને તેના દ્વારા ઉગાડવામાં આવેલ ખેતી વિશેની વાત કરવામાં આવી છે. આ દુનિયાના સૌથી મોંઘા શાકની ખેતી છે. આ શાકનુ નામ હોપ શુટ્સ છે અને તેની કિંમત 1 લાખ રૂપિયા પ્રતિ કિલો છે.
તપાસમાં દાવો ખોટો સાબિત થયો
હિન્દી અખબાર દૈનિક જાગરણની તપાસમાં સામે આવ્યું છે કે, આવું કોઇ શાકભાજી નથી કે ન કોઇ ખેતર.જ્યાં આ વિશ્વની સૌથી મોંઘા ગણાતા શાકનો વાયરલ થયેલો મેસેજ ખોટો છે.
ફોન પર સંપર્ક કરવામાં આવતા અમરેશ સિંહે કહ્યું હતું કે, આ પાક 172 કિલોમીટર દૂર નાલંદા જિલ્લામાં મળી હતી. જ્યારે અખબારની ટીમ નાલંદા ગઇ તો તેમણે કહ્યું કે, પાક ઔરંગાબાદમાં છે. ઔરંગાબાદમાં જિલ્લા મેજિસ્ટ્રેટ સૌરભ જોરવાલે જણાવ્યું હતું કે, સ્થાનિક તપાસ કરવામાં આવતા ઔરંગાબાદ જિલ્લામાં આવી કોઇ જ ખેતી નથી થઇ રહી.