મોંઘવારી / આમ જનતાને મોંઘવારીનો વધુ એક માર, શાકભાજીના ભાવ આસમાને, ટામેટા 100 રૂપિયાને પાર

Vegetable Inflation : ગુજરાત સહિત દેશભરમાં ગયા મહિનાના છેલ્લા અઠવાડિયાથ સતત વરસાદ પડી રહ્યો છે. એક તરફ ચોમાસાની શરૂઆત થતાં રેકોર્ડ તોડી રહેલી આકરી ગરમીમાંથી લોકોને રાહત મળી છે તો બીજી તરફ બદલાયેલા હવામાનની અસર ખિસ્સા પર પડવા લાગી છે. વરસાદના કારણે શાકભાજીના ભાવમાં ભારે વધારો થયો છે જેની અસર સીધી સામાન્ય જનતાને પડી રહી છે. વાસ્તવમાં મોટાભાગની શાકભાજીના વધ્યા હોઇ ગૃહિણીઓને મોટો ફટકો પડ્યો છે.

ઘણો વધ્યો છે શાકભાજી પાછળનો ખર્ચ

તાજેતરના એક સર્વે મુજબ શાકભાજીના ભાવમાં વધારાને કારણે મોટાભાગના લોકોના ઘરના બજેટનો અડધાથી વધુ ભાગ શાકભાજી પર જ ખર્ચાઈ રહ્યો છે. આ સર્વે કોમ્યુનિટી સોશિયલ મીડિયા પ્લેટફોર્મ લોકલ સર્કલ દ્વારા હાથ ધરવામાં આવ્યો છે. સર્વેમાં સામે આવ્યું છે કે, દર 10માંથી 6 લોકો શાકભાજીની ખરીદી પર દર અઠવાડિયે તેમના બજેટના 50 ટકાથી વધુ ખર્ચ કરે છે. એટલે કે ભાવ વધારાને કારણે 60 ટકા ભારતીયોના કુલ ખર્ચમાં શાકભાજીનો ફાળો વધીને 50 ટકાથી વધુ થઈ ગયો છે.

ટામેટાના ભાવ 100 રૂપિયાને પાર પહોંચી ગયા

ટામેટાંના ભાવ વધારાને કારણે લોકોને સૌથી મોટી મુશ્કેલીનો સામનો કરવો પડી રહ્યો છે. સ્થાનિક વર્તુળોના આ સર્વેમાં ભાગ લેનારા 71 ટકા લોકોનું કહેવું છે કે, તેઓ 50 રૂપિયા પ્રતિ કિલો કે તેથી વધુ ચૂકવીને ટામેટાં ખરીદે છે. જ્યારે 18 ટકા લોકોનું કહેવું છે કે, તેઓ હાલમાં ટામેટાં ખરીદવા માટે 100 રૂપિયા પ્રતિ કિલોથી વધુ ચૂકવી રહ્યા છે.

વધુ વાંચો : કોમન યુનિવર્સિટી એન્ટ્રન્સ રિ-ટેસ્ટનું એડમિટ કાર્ડ જાહેર, ડાયરેક્ટ લિંક દ્વારા સરળતાથી કરો ડાઉનલોડ

393 જિલ્લાના લોકોએ લીધો હતો ભાગ

આ સર્વેમાં દેશના 393 જિલ્લામાં રહેતા 41 હજારથી વધુ લોકોને સામેલ કરવામાં આવ્યા હતા. સ્થાનિક વર્તુળોના જણાવ્યા અનુસાર સર્વેમાં સામેલ લોકોમાં 62 ટકા પુરુષો હતા, જ્યારે મહિલાઓની ભાગીદારી 38 ટકા હતી. સર્વેમાં મોટા શહેરો (ટીયર-1)ના લોકોની ભાગીદારી 42 ટકા હતી. જ્યારે ટીયર-2 શહેરોમાંથી 25 ટકા લોકોએ સર્વેમાં ભાગ લીધો હતો. સર્વેમાં સામેલ 33 ટકા લોકો ટીયર-3 અને ટીયર-4 શહેરો અથવા ગ્રામીણ વિસ્તારોમાંથી હતા.

બધા જ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ