મોંઘવારી / કાળઝાળ ગરમીના કારણે શાકભાજીના ભાવમાં ભડકો

ટામેટાના ભાવમાં 4 દિવસમાં જ પ્રતિકિલોએ 60 રૂપિયાનો વધારો થયો છે. લીલા શાકભાજીમાં 30થી 40 ટકાનો ભાવ વધારો થયો છે. ત્યારે વેપારીઓનું માનીએ તો ગૃહિણીઓને ચોમાસા સુધી ભાવ વધારો સહન કરવો પડશે.

શાકભાજીના ભાવ પર નજર કરીએ તો ટામેટાના ભાવ પ્રતિકિલો 30-35 રૂપિયાથી વધીને 90થી 100 રૂપિયાએ પહોંચી ગયો છે. તો આદુના ભાવમાં 45 રૂપિયાનો વધારો થતાં પ્રતિકિલોએ 200 રૂપિયા પહોંચ્યો છે. જ્યારે દૂધીના ભાવ 30થી વધીને 60 રૂપિયા પહોંચી ગયા છે અને લીંબુના ભાવ 50 રૂપિયાથી વધીને 120 રૂપિયા થયા છે.