રેસિપિ / કંઈક નવું અને હેલ્ધી ખાવાની ઈચ્છા છે તો તરત જ બનાવી લો આ ખાસ પુલાવ, બદલાશે થાળીનો સ્વાદ

• ઘરે બનાવી લો ખાસ ડાયટ ડિશ
• હેલ્ધી અને ટેસ્ટી ગણાય છે ફાડાની આ ડિશ
• ટ્રાય કરી લો આ નવીન પુલાવની સરળ રેસિપિ

 ફાડા પુલાવની રેસિપિ નાના મોટાં સૌને પસંદ હોય તેવા દરેકને પસંદ આવે છે. ફાડાને ખૂબ જ હેલ્ધી માનવામાં આવે છે. ફાઈબર અને વિટામિનનો સોર્સ ફાડાનો પુલાવ પણ ટેસ્ટી લાગે છે. તેમાં ઉમેરાતા શાકના કારણે તેની ડાયટ વેલ્યૂ પણ વધી જાય છે. તો તમે પણ આ રેસિપિની મદદથી તમે સરળ રીતે ઘરે જ આ ટેસ્ટી પુલાવ બનાવી શકો છો. તો નોંધી લો રેસિપિ અને તેને ટ્રાય કરો તમારા રસોડામાં.

સામગ્રી

- એક ફાડા (સાદા અને ચઢવેલા)
- બે ટીસ્પૂન તેલ
- ચપટી હિંગ
- અડધી ચમચી જીરું
- બે લીલાં મરચાં (બારીક સુધારેલાં)
- અડધો કપ વટાણાના દાણા (બારીક સુધારેલાં)
- અડધો કપ ફ્લાવર (બારીક સુધારેલાં)
- અડધો કપ ગાજર (બારીક સુધારેલાં)
- અડધો કપ શિમલા મરચાં (બારીક સુધારેલાં)
- અડધો કપ ટામેટાં (બારીક સુધારેલાં)
- મીઠું સ્વાદ અનુસાર
- એક ટીસ્પૂન કોથમીર (બારીક સુધારેલી)

 જાણો ફાડાનો પુલાવ બનાવવાની રીત
 

એક કડાઇમાં તેલ ગરમ કરો. તેલમાં હિંગ અને જીરું ઉમેરો. જીરું શેકાઇ જાય એટલે તેમાં લીલા મરચાં, આદુ નાંખીને તેને હલાવો. વટાણાના દાણા, ફ્લાવર, ગાજર, શિમલા મરચાં બધું મિક્સ કરો અને તેને સતત ત્રણ મિનિટ સુધી હલાવો. જ્યાં સુધી તે ક્રન્ચી થાય ત્યાં સુધી તેને શેકી લો. તેમાં મીઠું ઉમેરો, આ દરેક શાકમાં ચઢવેલા સાદા ફાડા અને કોથમીર મિક્સ કરો અને તેને સારી રીતે હલાવી લો. તૈયાર છે તમારો ફાડા પુલાવ. તેને કોથમીરથી ગાર્નિશ કરીને સર્વ કરી શકાય છે. દહીં, પુલાવ અને ચટણીની સાથે પીરસી શકાય છે.