રેસિપી / મેનૂમાં કંઈ ન સૂઝે તો બનાવો આ ખાસ પુલાવ, વજન ઘટાડવાની સાથે આપશે અનેક ફાયદા

સામગ્રી

- એક ફાડા (સાદા અને ચઢવેલા)
- બે ટીસ્પૂન તેલ
- ચપટી હિંગ
- અડધી ચમચી જીરું
- બે લીલાં મરચાં (બારીક સુધારેલાં)
- અડધો કપ વટાણાના દાણા (બારીક સુધારેલાં)
- અડધો કપ ફ્લાવર (બારીક સુધારેલાં)
- અડધો કપ ગાજર (બારીક સુધારેલાં)
- અડધો કપ શિમલા મરચાં (બારીક સુધારેલાં)
- અડધો કપ ટામેટાં (બારીક સુધારેલાં)
- મીઠું સ્વાદ અનુસાર
- એક ટીસ્પૂન કોથમીર (બારીક સુધારેલી)

રીત

એક કડાઇમાં તેલ ગરમ કરો. તેલમાં હિંગ અને જીરું ઉમેરો. જીરું શેકાઇ જાય એટલે તેમાં લીલા મરચાં, આદુ નાંખીને તેને હલાવો. વટાણાના દાણા, ફ્લાવર, ગાજર, શિમલા મરચાં બધું મિક્સ કરો અને તેને સતત ત્રણ મિનિટ સુધી હલાવો. જ્યાં સુધી તે ક્રન્ચી થાય ત્યાં સુધી તેને શેકી લો. તેમાં મીઠું ઉમેરો, આ દરેક શાકમાં ચઢવેલા સાદા ફાડા અને કોથમીર મિક્સ કરો અને તેને સારી રીતે હલાવી લો. તૈયાર છે તમારો ફાડા પુલાવ. તેને કોથમીરથી ગાર્નિશ કરીને સર્વ કરી શકાય છે. દહીં, પુલાવ અને ચટણીની સાથે પીરસી શકાય છે. 

ફાડા ખાવાના ફાયદા

કોલેસ્ટ્રોલને ઘટાડે છે.
લો કેલેરી વાળું હોવાથી વજનને કંટ્રોલ કરે છે.
કાર્બોહાઈડ્રેટનું પ્રમાણ વધારે હોવાથી વજન નિયંત્રણમાં રહે છે.
ફાડા ખાધા બાદ લાંબા સમય સુધી ભૂખ લાગતી નથી.