રાજકોટ માર્કેટ યાર્ડમાં ટેકાના ભાવે મગફળીની ખરીદીનું રજિસ્ટ્રેશન શરૂ કરવામાં પહોંચેલા ખેડૂતોને હાલાકી ભોગવવાનો વારો આવ્યો છે માર્કેટ યાર્ડમાં VCEની હડતાળથી ખેડૂતો મુશ્કેલીમાં મુકાયા છે
આજથી ટેકાના ભાવે મગફળીની ખરીદીનું રજિસ્ટ્રેશન શરૂ કરવામાં આવી છે ત્યારે મોટી સંખ્યામાં ખેડૂતો રજિસ્ટ્રેશન કરાવવા પહોંચ્યા છે પરતું આજેથી તલાટી મંત્રી અને VCE ( Village Computer Interpreter ) તરીકે કામ કરતા ખેડૂતો અથવા તો ગામના જ ખેડૂતો બીજા લોકોને ઓનલાઈન રજિસ્ટ્રેશન અને ફોર્મ ભરવામાં પંચાયતની કચેરીએ મદદ કરે છે તેઓ પણ તલાટી મંત્રીઓ સાથે હડતાળ પણ ઉતરી જતા ખેડૂતોને ભારે હાલકીનો સામેનો કરવો પડી રહ્યો છે.
મહત્વનું છે કે ખેડૂતો નોંધણીની કામગીરી કરાવવા આવી રહ્યા છે ત્યારે તલાટીઓની હડતાળને પગલે નોંધણીની કામગીરી પણ ખોરવાઈ જતા ખેડૂતોમાં રોષ જોવા મળી રહ્યો છે. રાજકોટ જૂના માર્કેટ યાર્ડમાં લોધિકા, હડમતીયા, ગોલીડા, વગુદળ અને પાળગામથી ખેડૂતો મગફળીના રજિસ્ટ્રેશન માટે પહોંચ્યા હતા પરતું માર્કેટ યાર્ડમાં VCE અને તલાટીઓ મંત્રી હડતાળને પગલે ખેડૂતો મુશ્કેલીમાં મુકાયા છે.
અહીં ઉલ્લેખનિય છે માર્કેટ યાર્ડ તરફથી પણ કોઈ પણ પ્રકારની સૂચના આપવામાં આવી નથી ખેડૂતો દ્વારા APMCના ચેરમેનને આ અંગે પ્રશ્ન પૂછવામાં આવતા APMC દ્વારા પણ ટેકાના ભાવે મગફળીની ખરીદી VCEને સોંપવામાં આવી હોવાનું જણાવાયું છે પરતું VCE હડતાળ પર ઉતરી જતા ખેડૂતોને હવે હાલાકી ભોગવવાનો વારો આવ્યો છે. આજથી રાજ્યમાં તલાટી મંત્રીઓ વિવિધ માંગને લઈને હડતાળ પર ઉતર્યા છે.તલાટીઓની સાથે VCE પણ આ હડતાળ જોડાયા છે.
VCE કર્મી શું કામ કરે છે?
રાજ્યના VCE કર્મીઓ દ્વારા વિવિધ માગોને લઇ વિરોધ કરાઇ રહ્યો છે. VCE કર્મીઓની માગ છે કે ગ્રામ પંચાયતોમાં VCE કર્મીઓને કમિશન મળે અને સરકારી કર્મીઓ જેટલું કામ કરીએ છીએ તો તેટલો પગાર મળે સાથે જ VCE કર્મીને પગાર ધોરણ આપવામાં આવે અને કાયમી કરી સરકારી લાભ આપવામાં આવે, રાજ્યમાં આશરે અંદાજે 14 હજાર ગ્રામપંચાયતોમાં 14 હજાર VCE કર્મી છે. રાજ્યની તમામ ગ્રામ પંચાયતોમાં ઇ-ગ્રામ કેન્દ્રો આવેલા છે. અને તમામ ઇ-ગ્રામ કેન્દ્રમાં VCE કર્મી હોય છે. તેઓ રાજ્ય સરકારની તમામ યોજાના, સર્વેને લગતી ડિજિટલ કામગીરી, મહેસૂલ વિભાગની કામગીરી, નાગરિક અને અન્ન પુરવઠા વિભાગ અને ચૂંટણીને લગતી પણ કામગીરી કરે છે.