અલ્ટીમેટમ / VCE કર્મીઓની હડતાળ ગુજરાત સરકાર માટે બનશે માથાનો દુખાવો, માંગણીઓ નહીં સ્વીકારાય તો....

• VCE કર્મચારીઓનું ગુજરાત સરકારને અલ્ટિમેટમ
• માંગણીઓ નહી સ્વીકારાય તો ઉગ્ર આંદોલનની ચીમકી
• આગામી 10 ઓક્ટોબર સુધીનો સરકારને સમય આપ્યો

VCEના કર્મચારીઓએ જો સરકાર માંગણીઓ નહીં સ્વીકારે તો ઉગ્ર આંદોલનની ચીમકી ઉચ્ચારી છે. એ માટે VCEના કર્મીઓએ રાજ્ય સરકારને આગામી 10 ઓક્ટોબર સુધીનો સમય આપ્યો છે. મહત્વનું છે કે, આઠ જેટલી માંગણીઓને લઇને VCEના કર્મીઓ છેલ્લા એક મહિનાથી હડતાળ પર ઉતરેલા છે. અંદાજિત 14 હજાર જેટલાં VCE કર્મચારીઓ હડતાળ પર ઉતર્યા છે. પંચાયતના કોમ્પ્યુટર ઓપરેટરોના પ્રશ્નોને લઇને તેઓ હડતાળ પર ઉતર્યા છે. VCEની હડતાળથી મગફળીના ખરીદી રજીસ્ટ્રેશનમાં પણ અસર જોવા મળી છે.

જાણો શું છે VCE કર્મીઓની માંગ?

• કમિશન પ્રથા પોલિસી હટાવી ફિક્સ વેતનથી કાયમી નિમણૂક
• સરકારી લાભો આપી સમાન કામ સમાન વેતન
• VCEને રક્ષણ આપવામાં આવે
• VCE અને પરિવારને આરોગ્ય સુવિધા 
• VCE અને પરિવારને વીમા કવચ આપવામાં આવે
• કામગીરીનો જોબ ચાર્ટ નક્કી કરવામાં આવે
• ક્લાર્ક ક્રમ કોમ્પ્યુટર સાહસિકમાં રૂપાંતર કરી વર્ગ-3 ના દરજ્જા સાથે સરકારી કર્મચારી જાહેર કરો
• ઈ-ગ્રામ પોલિસી હટાવી સરકારી પગાર ધોરણ લાગુ કરવામાં આવે
• જોબની સિક્યુરિટી આપવામાં આવે

જાણો લોકોને શું મુશ્કેલી પડે છે?

• સાત બારના દાખલા નથી નીકળતા
• આવકના દાખલા નથી નીકળતા
• રેશનકાર્ડની કામગીરી નથી થતી
• ઓનલાઈન લાઈટબીલ કામગીરી નથી થતી
• સરકારની 230 જટેલા સેવાની કામગીરી ખોરવાઈ
• ઓનલાઈન મગફળી રજીસ્ટ્રેશન નથી થઈ શકતું
• ખેડૂતલક્ષી ઓનલાઈન સહાયના કામ અટક્યા