ગુજરાતમાં છેલ્લા એક મહિનાથી હડતાળ પર ઉતરેલા VCEના કર્મચારીઓએ એકવાર ફરી રાજ્ય સરકારને માંગણીઓ પૂરી કરવાનું અલ્ટીમેટમ આપ્યું છે.
VCE કર્મચારીઓનું ગુજરાત સરકારને અલ્ટિમેટમ
માંગણીઓ નહી સ્વીકારાય તો ઉગ્ર આંદોલનની ચીમકી
આગામી 10 ઓક્ટોબર સુધીનો સરકારને સમય આપ્યો
VCEના કર્મચારીઓએ જો સરકાર માંગણીઓ નહીં સ્વીકારે તો ઉગ્ર આંદોલનની ચીમકી ઉચ્ચારી છે. એ માટે VCEના કર્મીઓએ રાજ્ય સરકારને આગામી 10 ઓક્ટોબર સુધીનો સમય આપ્યો છે. મહત્વનું છે કે, આઠ જેટલી માંગણીઓને લઇને VCEના કર્મીઓ છેલ્લા એક મહિનાથી હડતાળ પર ઉતરેલા છે. અંદાજિત 14 હજાર જેટલાં VCE કર્મચારીઓ હડતાળ પર ઉતર્યા છે. પંચાયતના કોમ્પ્યુટર ઓપરેટરોના પ્રશ્નોને લઇને તેઓ હડતાળ પર ઉતર્યા છે. VCEની હડતાળથી મગફળીના ખરીદી રજીસ્ટ્રેશનમાં પણ અસર જોવા મળી છે.