વાયુ / વાવાઝોડા પહેલા સૌરાષ્ટ્ર અને દ.ગુજરાતના આ વિસ્તારોમાં ભારે વરસાદ

હવામાન વિભાગની આગાહી અનુસાર ગુજરાતના સૌરાષ્ટ્ર-કચ્છમાં ગુરૂવારે ભારેથી અતિભારે વરસાદની આગાહી કરવામાં આવી છે. ત્યારે આ વાવાઝોડું ગુજરાત પહોંચે તે પહેલા તેની અસર શરૂ થઇ ગઇ છે. રાજ્યના વલસાડ, ગીર સોમનાથ, જામનગર, ઉના, ડાકોર, વડોદરા, નડીયાદ, સેવાલીયા, ખેડા  સહિતના વિસ્તારોમાં વરસાદ શરૂ થઇ ચૂક્યો છે.
 

Gujarat: Rain lashes Valsad ahead of #CycloneVayu which is expected to make a landfall in Gujarat on June 13 pic.twitter.com/WGw0XlyB7F

— ANI (@ANI) June 11, 2019

સૌરાષ્ટ્ર પર 'વાયુ' વાવાઝોડુંનો ખતરો હજુ યથાવત 
કાલે બપોર પોરબંદર-વેરાવળ વચ્ચે વાવાઝોડું ત્રાટકી શકે છે. વાવાઝોડુંની સ્પીડમાં ઘડાડો પણ પવનની તીવ્રતામાં વધારો થયો છે. 'વાયુ' વાવાઝોડું 150થી 160 કિ.મી.પ્રતિ કલાકની ઝડપે ફૂંકાશે. સૌરાષ્ટ્રના ગીર સોમનાથ, પોરબંદર, જૂનાગઢમાં અસર થઇ શકે છે. દ્વારકા, જામનગર, કચ્છમાં પણ વાયુ વાવાઝોડાનો ખતરો યથવાત છે. અમરેલી, ભાવનગરને વાયુ વાવાઝોડાની અસર થવાની સંભાવના છે. 'વાયુ' વાવાઝોડું પોરબંદર તરફ ફંટાવાની સંભાવના વધુ છે. 'વાયુ' વાવાઝોડુંએ આંશિક રીતે દિશા બદલી પણ તીવ્રતા વધી ગઇ છે. 'વાયુ' વાવાઝોડું પોરબંદરથી 230 કીમી દૂર છે.

Nowcast Weather Warning valid upto 0830 hours IST of 13-06-2019 pic.twitter.com/lebWyafVKP

— India Met. Dept. (@Indiametdept) June 12, 2019

જામનગરમાં વીજળીના કડાકા સાથે વરસાદ શરૂ થયો
વાયુ વાવાઝોડાની અસર જામનગર સુધી પહોંચી ગઈ છે. જામનગરમાં વીજળીના કડાકા ભડાકા સાથે વરસાદ શરૂ થયો છે. જોરદાર પવનના સુસવાટા વચ્ચે ગાજવીજ સાથે વરસાદ શરુ થતા જ શહેર થંભી ગયું છે. વાતાવરણમાં પલટા સાથે કાળા ડિબાંગ બાદળો આકાશમાં છવાયા છે. અસહ્ય ગરમી બાદ ભારે પવન સાથે વરસાદ શરૂ થતા રસ્તાઓ પર પાણી ફરી વળ્યા છે. તોફાની વરસાદ વચ્ચે વૃક્ષો પણ ધરાશાઈ થયા હતાં. જોકે આ તો ચક્રવાત વાયુની અસર છે. જો ચક્રવાત વાયુ પહોંચ્યું તો સ્થિતિ વણસી શકે છે.

વાયુ વાવાઝોડાની અસર મોરબીમાં દેખાઈ
વાયુ વાવાઝોડાની અસર મોરબીમાં દેખાઈ છે. વાવાઝોડાની અસરને લઈને મોરબીના વાતાવરણમાં પલટો જોવા મળ્યો હતો. અસહ્ય બફારા વચ્ચે મોરબીમાં વરસાદ શરૂ થયો હતો. મળતી માહિતી મુજબ આકાશમાં કાળા ડિબાંગ વાદળો છવાયા હતા. પવનની તેજ ગતિ વચ્ચે વરસાદ શરૂ થયો હતો. વરસાદને લઈને વાતાવરણમાં ઠંડક પ્રસરી હતી.

વડોદરાના ડભોઇ પંથકમાં મેઘરાજાની પધરામણી
વડોદરા પંથકમાં વરસાદ શરૂ થઈ ગયો છે. વડોદરાના ડભોઈમાં મેઘરાજાની પધરામણી થઈ ગઈ છે. વરસાદ સાથે પવન પણ જોવા મળી રહ્યો છે. વરસાદની પધરામણીથી ખેડૂતોમાં ખુશીની લહેર ફેલાઈ ગઈ છે.

ઉનાના દરિયામા ભારે પવન સાથે વરસાદ
`વાયુ' વાવાઝોડાને લઈને સૌરાષ્ટ્રનો દરિયો ગાંડોતુર બન્યો છે. ઉનાના નવાબંદરમાં દરિયામાં ઊંચા મોજા ઉછળી રહ્યા છે. નવાબંદરનો દરિયો ગાંડોતુર બન્યો છે. દરિયામાં ભારે કરંટ જોવા મળી રહ્યો છે. તંત્ર પણ વાયુ વાવાઝોડાને લઈને એલર્ટ થઈ ગયું છે.

ગીર સોમનાથના અમુક વિસ્તારમા હળવો વરસાદ શરૂ
ગીર સોમનાથના અમુક વિસ્તારમાં હવે વાયુ વાવાઝોડાની અસર જોવા મળી રહી છે. ગીર સોમનાથના અમુક વિસ્તારમાં હવે હળવો વરસાદ શરૂ થયો છે. જેથી હવે ઉનાના પટ્ટી ગામના લોકોનું સ્થળાંતર કરવામાં આવી રહ્યું છે. આ સિવાય કોડિનારના માધાવાડ સહિતા પણ ગામોનું સ્થળાંતર કરવામાં આવી રહ્યું છે. કારણ કે વાવાઝોડાના પગલે ગીર સોમનાથનો દરિયો ગાંડોતૂર બની રહ્યો છે અને ગમે ત્યારે તે વિકરાળ રૂપ લઈ શકે છે. ત્યારે હાલ દરિયાકાંઠાના વિસ્તારના ગામોના લોકોને સુરક્ષિત સ્થળે ખસેડવામાં આવી રહ્યા છે.

#WATCH Gujarat: Strong winds and dust hit the Somnath temple in Gir Somnath district ahead of the landfall of #CycloneVayu, expected tomorrow. pic.twitter.com/CgVFYJvpeH

— ANI (@ANI) June 12, 2019

રણછોડજી મંદિરના મુખ્ય દ્વારા પર ભરાયા પાણી
વાયુ વાવાઝોડાની અસર યાત્રાધામ ડાકોરમાં પણ જોવા મળી રહી છે. રણછોડજી મંદિરના મુખ્ય દ્વારા પર ભરાયા પાણી છે. ભક્તો ઢીંચણ સુધીના પાણીમાંથી પસાર થઈ દર્શન કરી રહ્યાં છે.  ડાકોરમાં ગાજવીજ અને પવન સાથે વરસાદ વરસ્યો છે.

ખેડા જિલ્લામાં ભારે પવન સાથે વરસાદ
વાયુ વાવાઝોડાની ખેડા જિલ્લામાં પણ અસર જોવા મળી છે. નડીયાદ, સેવાલીયા સહિત ખેડામાં ભારે પવન સાથે વરસાદ વરસ્યો છે. વરસાદને લઈ નીચાણવાળા વિસ્તારોમાં પાણી ભરાયું છે.

કંટ્રોલરૂમ નંબરની યાદી.

ગાંધીનગર કંટ્રોલ રૂમ

• 079 23276943
• 07923276944

સૌરાષ્ટ્ર કંટ્રોલ રૂમ

• 0281 2239685
• 0281 2237500

હેલ્પ લાઇન નંબર:

• ગીર સોમનાથ - 02876-285063/64 
• વેરાવળ - 02876- 244299 
• તલાળા - 02877- 222222
• સૂત્રાપાડા - 02876-263371
• કોડિનાર - 02895- 221244 
• ઉના - 02875-222039 
• ગીર ગઢડા - 02875-243100
• દ્વારકા - 02833 - 232125
• જામનગર - 0288 - 2553404
• પોરબંદર - 0286 - 2220800
• દાહોદ - 02673 - 239277
• નવસારી - +91 - 2637 259 401
• પંચમહાલ - +91 2672 242 536
• છોટા ઉદેપુર - +91 2669 233 021
• કચ્છ - 02832 - 250080
• રાજકોટ - 0281 - 2471573
• અરવલ્લી - +91 2774 250 221