બેદરકારી / આવું ન કરશો! પોરબંદરના દરિયાકાંઠે લોકો બાળકોને સાથે દરિયો જોવા પહોંચ્યા, લઇ રહ્યા છે સેલ્ફી

રાજ્યમાં વાયુ વાવાઝોડુ ત્રાટકવાનું છે. ત્યારે વાયુ વાવાઝોડાને લઇને હવામાન વિભાગ દ્વારા તાજેતરમાં માહિતી આપવામાં આવી છે કે વાયુ વાવાઝોડાંની આંશિક રીતે દિશા બદલાઇ છે અને તે આવતીકાલે બપોરે પોરબંદર-વેરાવળ વચ્ચે વાવાઝોડું ત્રાટકવાની આગાહી કરવામાં આવી છે. ત્યારે એક એવા સમાચાર સામે આવી રહ્યા છે કે લોકો વાવાઝોડાથી બચવા માટે દૂર જવાના બદલે દરિયાને જોવા પહોંચી ગયા.

પોરબંદરના દરિયામાં તોફાની મોજા ઉછળી રહ્યા છે. વાવાઝોડું નજીક આવી રહ્યું છે ત્યારે દરિયો તોફાની બન્યો છે. જેને જોવા લોકોના ટોળા ઉમટ્યા છે. પોરબંદરની ચોપાટી પર જતા લોકોને પોલીસે અટકાવ્યા હતા. મહત્વનું છે કે, તંત્ર દ્વારા ગુજરાતના દરિયાકાંઠાને અલર્ટ જાહેર કરાયું છે. જેમાં કાંઠા વિસ્તારના લોકોને સુરક્ષિત સ્થળે રહેવા સૂચન કરવામાં આવેલું છે. 
 

ત્યારે આ વાતને લોકો ધ્યાને ન લઇને દરિયાકાંઠે પોતાના બાળકોને લઇને દરિયો જોવા પહોંચી ગયા છે. લોકો ઉછળતા મોજા સાથે સેલ્ફી લઇ રહ્યા છે. ભારે પવન અને વરસાદ વચ્ચે લોકો દરિયાને નિહાળી રહ્યા છે. ત્યારે આ પ્રકારે લોકોની બેદરકારીથી મોટુ નુકસાન થઇ શકે છે. લોકોએ આવા સમયે સુરક્ષિત સ્થળે રહેવું યોગ્ય રહેશે.

કંટ્રોલરૂમ નંબરની યાદી.

ગાંધીનગર કંટ્રોલ રૂમ

• 079 23276943
• 07923276944

સૌરાષ્ટ્ર કંટ્રોલ રૂમ

• 0281 2239685
• 0281 2237500

હેલ્પ લાઇન નંબર:

• ગીર સોમનાથ - 02876-285063/64 
• વેરાવળ - 02876- 244299 
• તલાળા - 02877- 222222
• સૂત્રાપાડા - 02876-263371
• કોડિનાર - 02895- 221244 
• ઉના - 02875-222039 
• ગીર ગઢડા - 02875-243100
• દ્વારકા - 02833 - 232125
• જામનગર - 0288 - 2553404
• પોરબંદર - 0286 - 2220800
• દાહોદ - 02673 - 239277
• નવસારી - +91 - 2637 259 401
• પંચમહાલ - +91 2672 242 536
• છોટા ઉદેપુર - +91 2669 233 021
• કચ્છ - 02832 - 250080
• રાજકોટ - 0281 - 2471573
• અરવલ્લી - +91 2774 250 221