વાવાઝોડું / 'વાયુ'એ ગુજરાતમાં કર્યો હવામાન પલટો, જુઓ ક્યાં-ક્યાં પડ્યો વરસાદ

રાજ્યમાં વાયુ વાવાઝોડાની દહેશત વર્તાઈ રહી છે. ત્યારે તાપી જિલ્લામાં વાવાઝોડાની અસર જોવા મળી હતી. વાવાઝોડાની અસરને લઈને જિલ્લાના કેટલાક વિસ્તારોમાં ભારે પવન સાથે વરસાદ પડ્યો હતો. વ્યારા સહિત ડોળવન તાલુકાના આજુબાજુના વિસ્તારમાં વરસાદ વરસ્યો હતો. મળતી માહિતી મુજબ ભારે પવનના પગલે અમુક ઘરોના પતરા ઉડ્યા હતા. તો રોડ પર આવેલા વૃક્ષો ધરાશાયી થયા હતા. તો ગુજરાતના ચેરાપુંજી ગણાતા ડાંગ જિલ્લામાં વરસાદના આગમન બાદ નવસારી જિલ્લામાં પણ મેઘરાજાએ એન્ટ્રી મારી દીધી છે. જિલ્લાના વાંસદા, ગણદેવી, ચીખલી અને ખેરગામમાં સારો એવો વરસાદ પડ્યો છે.

છોટા ઉદેપુરમાં ગાજવીજ સાથે વરસાદ
તો બીજી બાજુ આ વાવાઝોડાની અસર છોટાઉદેપુર જિલ્લામાં પણ જોવા મળી હતી. છોટાઉદેપુર જિલ્લામાં ભારે પવન ફૂંકાવાની શરૂઆત થઈ હતી. તો પવન સાથે વાદળોમાં વીજળીના ચમકારા પણ જોવા મળ્યા હતા. મળતી માહિતી મુજબ આજુબાજુના ગામોમાં વરસાદ પડતાં વીજળી ગુલ થઈ હતી. તો સંઘપ્રદેશ દમણમાં પણ ગાજવીજ સાથે ભારે વરસાદ શરૂ થયો હતો. જો કે વરસાદને લઈને ધરતીપુત્રોમાં આનંદની લાગણી જોવા મળી હતી. તો ગરમીથી અકળાયેલા લોકોને વાતાવરણમાં ઠંડક પ્રસરતા રાહત મળી છે.

સંઘપ્રદેશ દમણમાં શરૂ થયો વરસાદ 
ત્યારે સંઘપ્રદેશ દમણમાં પણ વરસાદ પડ્યો હતો. મળતી માહિતી મુજબ સંઘપ્રદેશ દમણમાં ગાજવીજ સાથે ભારે વરસાદ શરૂ થયો હતો. તો વરસાદને કારણે લોકોને ગરમીથી રાહત મળી હતી.

વલસાડમાં વાયુ વાવાઝોડાની અસર
એક બાજુ રાજ્યમાં કાળઝાળ ગરમી પડી રહી છે. જ્યારે બીજી બાજુ રાજ્યમાં દરિયાકાંઠાના વિસ્તારોમાં વાયુ વાવાઝોડુ ત્રાટકશે તેવી આગાહી કરવામાં આવી છે. ત્યારે વલસાડ જિલ્લામાં વાયુ વાવાઝોડાની અસર જોવા મળી હતી. વાવાઝોડાના કારણે જિલ્લામાં અનેક વિસ્તારોમાં ધોધમાર વરસાદ શરૂ થયો હતો. જેમાં કપરાડા, વાપી, નાનાપોન્ડા અને ઉમરગામ સહિતના વિસ્તારોમાં વરસાદ પડ્યો હતો. જો કે, વરસાદને કારણે વાતાવરણમાં ઠંડક જોવા મળી હતી. જેને લઈને લોકોને ગરમી અને બફારાની વચ્ચે રાહત મળી હતી.

તાપી જિલ્લામાં વાવાઝોડાની અસર, ભારે પવન સાથે વરસાદ
રાજ્યમાં વાયુ વાવાઝોડાની દહેશત વર્તાઈ રહી છે. ત્યારે તાપી જિલ્લામાં વાવાઝોડાની અસર જોવા મળી હતી. વાવાઝોડાની અસરને લઈને જિલ્લાના કેટલાક વિસ્તારોમાં ભારે પવન સાથે વરસાદ પડ્યો હતો. વ્યારા સહિત ડોળવન તાલુકાના આજુબાજુના વિસ્તારમાં વરસાદ વરસ્યો હતો. મળતી માહિતી મુજબ ભારે પવનના પગલે અમુક ઘરોના પતરા ઉડ્યા હતા. તો રોડ પર આવેલા વૃક્ષો ધરાશાયી થયા હતા. જો કે વરસાદને લઈને ધરતીપુત્રોમાં આનંદની લાગણી જોવા મળી હતી.

ડાંગના વાતાવરણમાં પલટો આવ્યો
ડાંગના વાતાવરણમાં પલટો જોવા મળ્યો છે. આહવામાં મેઘરાજાનું આગમન થયું છે. અહી મેઘરાજા મન મુકીને વરસ્યા હતા. વાતાવરણમાં પલટાથી ગરમીથી લોકોને રાહત મળી છે.

વાંસદા તાલુકામાં ધોધમાર વરસાદની શરૂઆત
નવસારીના વાંસદા તાલુકામાં વાતાવરણમાં પલટો જોવા મળ્યો હતો. વાંસદા તાલુકામાં ધોધમાર વરસાદની શરૂઆત થઈ. આમ, વાંસદા તાલુકામાં વરસાદ પડતા વાતાવરણમાં ઠંડક પ્રસરી હતી. લોકોને ગરમીથી રાહત મળી હતી.

સુરત જીલ્લામાં વરસાદનું આગમન
સુરત શહેરમાં ફરી એક વખત વરસાદનું આગમન થયુ છે. શહેરના અનેક વિસ્તારોમાં વરસાદની શરૂઆત થઈ છે. કીમ ગામ સહિતના વિસ્તારમાં વહેલી સવારથી ઝરમર વરસાદ થઈ રહ્યો છે. ધીમી ધારે વકસાદ પડતા વાતાવરણમાં ઠંડક પ્રસરી હતી.

રાજસ્થાનમાં પણ વરસાદની આગાહી 
દેશમાં હાલ કાળઝાળ ગરમીથી લોકો પરેશાન છે. ત્યારે રાજસ્થાનવાસીઓ માટે એક સારા સમાચાર સામે આવ્યા છે. હવામાન વિભાગે આગાહી કરી છે કે, રાજસ્થાનમાં થોડીવારમાં વરસાદ પડી શકે છે. રાજસ્થાનના પિલાની અને સાદલપુર સહિત આસપાસાના વિસ્તારોમાં વરસાદ પડી શકે છે. ઉલ્લેખનીય છે કે, આ ગરમીમાં રાજસ્થાન પણ આગમાં શેકાયુ છે. ચુરૂમાં ગરમીનો પારો 49 ડિગ્રીએ પહોંચ્યો હતો. ત્યારે વરસાદ પડશે તો ગરમીથી આંશિક મળી શકે છે.