Vastu Tips / ઘરમાં ભૂલથી પણ ખુલ્લી ન રાખો આ ચીજ-વસ્તુઓ, નહીંતર મુશ્કેલી ક્યારેય પીછો નહીં છોડે

• ઘરમાં ભૂલથી પણ આ વસ્તુઓને ક્યારેય ખુલ્લી ના રાખશો
• નહીંતર પ્રગતિ અટકશે અને આરોગ્ય પણ બગડશે
• શારીરીક, માનસિક અને આર્થિક સમસ્યાઓનો કરવો પડશે સામનો  

વાસ્તુ શાસ્ત્રના આ નિયમોનું અવશ્ય પાલન કરો

વાસ્તુ શાસ્ત્રમાં ધન-ધાન્યમાં વધારો કરવા માટે વાસ્તુ ઉપાય જણાવવામાં આવ્યાં છે, એવી જ રીતે વાસ્તુ શાસ્ત્રએ વ્યક્તિની આદતોને લઇને પણ અમુક નિયમો જણાવ્યાં છે. જે મુજબ જે વ્યક્તિ આ નિયમોનુ પાલન કરતો નથી તો તેણે નાણાભીડનો સામનો કરવો પડે છે. આ સાથે પ્રગતિ પણ અટકી જાય છે. વાસ્તુ શાસ્ત્ર મુજબ, વ્યક્તિના જીવન પર વાસ્તુની વધારે અસર થાય છે. જો આ નિયમોનુ પાલન ના કર્યુ તો શારીરીક, માનસિક અને આર્થિક સમસ્યાઓનો સામનો કરવો પડે છે.  

આ વસ્તુઓને ક્યારેય ખુલ્લી ના છોડશો 

વાસ્તુ શાસ્ત્ર મુજબ ઘણી વખત તમારી ખરાબ આદતોને કારણે તમે અમુક વસ્તુઓને આ રીતે ખુલ્લી છોડી દો છો. પરંતુ આમ કરવુ પ્રગતિની સાથે-સાથે સ્વાસ્થ્ય પર પણ ગંભીર અસર થાય છે. જાણો વાસ્તુ મુજબ કઈ વસ્તુઓને હંમેશા બંધ કરીને રાખવી જોઈએ. 

બુકને ખુલ્લી રાખી દેવી 

ઘણા લોકોને બુક વાંચવાનો ખૂબ શોખ હોય છે. પરંતુ ઘણી વખત તેઓ પેજ ખુલ્લુ રાખે છે. પરંતુ વાસ્તુની દ્રષ્ટિએ આમ બિલ્કુલ પણ ના કરવુ જોઈએ. કારણકે બુકનો સંબંધ બુદ્ધીના ગ્રહ બુધ સાથે સંબંધિત છે. તેથી બુકને ખુલ્લી રાખવાથી બુધ ગ્રહ નબળો પડે છે. જેના કારણે માણસનુ મગજ નબળુ પડે છે.

તિજોરી

વાસ્તુ શાસ્ત્ર મુજબ, ઘણા લોકોની આદત હોય છે કે તિજોરીમાં કપડા અથવા પૈસા રાખ્યા બાદ તેને ખુલ્લી મુકી દે છે. પરંતુ આમ બિલ્કુલ પણ ના કરવુ જોઈએ. તિજોરીને ખુલ્લી રાખવાથી માં લક્ષ્મી નારાજ થાય છે. 

દૂધ

વાસ્તુ શાસ્ત્ર મુજબ દૂધ અથવા દહીને પણ ક્યારેય ખુલ્લું ના મુકવુ જોઈએ. કારણકે તેનો સંબંધ ચંદ્ર અને શુક્ર ગ્રહ સાથે છે. એવામાં દૂધ, દહી ખુલ્લુ રાખવાથી શુક્ર અને ચંદ્ર દોષનો સામનો કરવો પડે છે. જેના કારણે આરોગ્ય પર ખરાબ અસર થાય છે.

મીઠુ

મીઠાંનો સંબંધ ચંદ્ર સાથે હોય છે. તેથી મીઠાંને ક્યારેય ખુલ્લુ ના મુકવુ જોઈએ. હંમેશા બંધ કરીને રાખો.