માન્યતા / ઝાડૂ સાથે જોડાયેલ આ વાતોને ખાસ ધ્યાનમાં રાખજો, માતા લક્ષ્મીજી કરશે ધનવર્ષા, ગરીબી પણ થશે દૂર

• માતા લક્ષ્મીનું પ્રતિક માનવામાં આવે છે સાવરણી 
• દિવસના આ સમયે ન કરો કચરો સાફ 
• સાવરણી સાથે જોડાયેલા આ નિયમોનું કરો પાલન 

શાસ્ત્રોમાં સાવરણીને લક્ષ્મીનું પ્રતિક માનવામાં આવે છે. આ ન ફક્ત  ગંદકીને સાફ કરવાનું કામ કરે છે પરંતુ ઘરમાંથી ગરીબી પણ દૂર કરીને સુખ-સમૃદ્ધિ પણ લાવે છે. વાસ્તુ શાસ્ત્રમાં સાવરણીથી જોડાયેલા ઉપાય અને નિયમ જણાવ્યા છે. 

વાસ્તુ કહે છે કે જ્યાં સાવરણીની યોગ્ય દિશા ઘરથી દરિદ્રતા દૂર કરે છે તો ત્યાં જ સાવરણી સાથે જોડાયેલી દરેક ભૂલ ઘણી મુશ્કેલીઓ ઉભી કરી શકે છે. માટે સાવરણી સાથે જોડાયેલા નિયમોનું પાલન જરૂર કરવુ જોઈએ. 

અમુક સમય પર નથી કરવામાં આવતી સાફસફાઈ 
વાસ્તુશાસ્ત્રમાં આજે જાણીએ સાવરણીનો ઉપયોગ કરવાના યોગ્ય સમય વિશે. આમ તો સાફ-સફાઈ કરવી સારી વાત માનવામાં આવે છે. 

પરંતુ વાસ્તુ શાસ્ત્રમાં તેના અમુક સમય પહેલાથી નિર્ધાર્તિ છે. જે રીતે સફાઈનો ઉચિત સમય નક્કી છે તેવી જ રીતે સફાઈન કરવાનો એટલે કે સાવરણીનો ઉપયોગ ન કરવાનો સમય પણ આપવામાં આવ્યો છે. 

ભૂલથી પણ ન કરો સાવરણી સાથે જોડાયેલી આ ભૂલ 
વાસ્તુ શાસ્ત્રમાં ઘરમાં સાવરણીથી કચરો વાળવા માટે દિવસના પહેલા ચાર પહેરને ઉચિત સમય માનવામાં આવે છે. જ્યારે રાતના ચાર પહેરને આ કામ માટે અનુચિત માનવામાં આવ્યો છે.

રાતના ચાર પહેરોમાં સાવરણીનો ઉપયોગ કરવાથી ઘરમાં દરિદ્રતા આવે છે અને ધનની દેવી લક્ષ્મી નારાજ થઈ જાય છે. જેનાથી ઘરમાં ધનની આવક પર પ્રભાવ પડે છે. 

• વાસ્તુ શાસ્ત્ર અનુસાર ઘરમાં સાવરણીને હંમેશા છુપાવીને રાખવી જોઈએ. એ વાતનું ધ્યાન રાખો કે તેના પર કોઈની નજર ન પડે. 
• સાવરણીને હંમેશા આડી રાખવી જોઈએ. તેને ઉભી રાખવાથી ઘરમાં દરિદ્રતા આવે છે. 
• સાવરણી તૂટી જાય તો તેને તરત બદલી નાખો. કારણ કે ઘરમાં તૂટેલી સાવરણી રાખવાથી વાસ્તુ દોષ લાગે છે. 
• વાસ્તુ શાસ્ત્ર અનુસાર સાવરણીને ક્યારેય પણ ઉત્તર-પૂર્વ દિશામાં ન રાખવી જોઈએ. સાવરણીને ઘરમાં હંમેશા દક્ષિણ દિશા અથવા પશ્ચિમ-દક્ષિણ દિશામાં રાખવી શુભ માનવામાં આવે છે.