Vastu Tips / ઘરમાં સીડીના નીચેનો ખૂણો ખાલી હોય તો ગમે તે ન ભરી દેતા, નહીં તો આર્થિક તંગી આપી શકે છે દસ્તક

• વાસ્તુશાસ્ત્ર છે ખૂબ જ મહત્વપૂર્ણ 
• ઘરની સીડિઓ નીચે ન ભરો આ વસ્તુઓ 
• નહીં તો આર્થિક રીતે થઈ જશો કંગાળ 

વાસ્તુશાસ્ત્ર આપણા જીવનમાં મહત્વપૂર્ણ ભૂમિકા ભજવે છે. જો ઘર કે ઓફિસ વાસ્તુ અનુસાર ન હોય તો તે જગ્યાએ વાસ્તુ દોષો ઉત્પન્ન થાય છે. જે પરિવારના સભ્યોની પ્રગતિમાં અવરોધ ઉભો કરે છે. ઘરના સભ્યોમાં નારાજગી રહે છે. આર્થિક સંકટનો સામનો કરવો પડે છે. ઘરનો દરેક ખૂણો, દરેક દિશા વિશેષ મહત્વ ધરાવે છે. અને ઘરની દરેક દિશા વાસ્તુ દોષથી મુક્ત હોવી જરૂરી છે. તો જ ઘરમાં સુખ-શાંતિ રહે છે.

તેવી જ રીતે આજે આપણે ઘરની સીડીઓ વિશે વાત કરવાના છીએ. જેની નીચે વધેલી જગ્યામાં લોકો મોટાભાગે એક્સ્ટ્રા વસ્તુઓ અથવા તો ભંગાર સામાન મુકી દે છે. ઘરનો તમામ વધારાનો સામાન, ભંગાર વગેરે સીડીની નીચે રાખવામાં આવે છે. પરંતુ વાસ્તુ અનુસાર સીડીની નીચેની જગ્યાનો આ રીતે ઉપયોગ ન કરવો જોઈએ. વાસ્તુમાં સીડીને લઈને કેટલાક મહત્વપૂર્ણ નિયમો આપવામાં આવ્યા છે.

ખોટી જગ્યા પર સીડી વધારે છે મુશ્કેલીઓ 
વાસ્તુ અનુસાર જ્યારે ઘરમાં સીડીઓ ખોટી જગ્યાએ હોય ત્યારે અચાનક અનેક પ્રકારની સમસ્યાઓ ઉભી થવા લાગે છે. ઘરની અંદરની સીડી મંગળ ગ્રહને અસર કરે છે. તો બહારની સીડી શુક્ર ગ્રહને અસર કરે છે.

આ દિશામાં બનાવો સીડીઓ 
વાસ્તુશાસ્ત્રમાં કહેવામાં આવ્યું છે કે સીડી બનાવતી વખતે કેટલીક બાબતોનું ધ્યાન રાખવું જોઈએ. વાસ્તુ અનુસાર ઘરની સીડીઓ દક્ષિણ-પૂર્વ ખૂણામાં હોવી જોઈએ. આ દિશા સીડીઓ માટે શ્રેષ્ઠ છે. ત્યાં જ દક્ષિણ દિશા, પૂર્વથી પશ્ચિમ દિશામાં સીડીઓ પણ શ્રેષ્ઠ માનવામાં આવે છે. તેમજ ઘરમાં બનાવેલી પહોળી સીડીઓ પણ શુભ માનવામાં આવે છે.

પૂજા ઘર કે બાથરૂમ ન બનાવવું
લોકો સીડીની નીચેની વધારાની જગ્યાનો ઉપયોગ પૂજા સ્થળ અથવા બાથરૂમ તરીકે કરે છે. પરંતુ વાસ્તુ અનુસાર આમાંથી કોઈ પણ બનાવવું યોગ્ય નથી. આમ કરવાથી ઘરમાં સુખ-શાંતિનો અભાવ રહે છે. ઘણા લોકો તેની નીચે રસોડું બનાવે છે જે યોગ્ય નથી. સીડીની નીચેની જગ્યાનો સ્ટોર રૂમ તરીકે ઉપયોગ કરી શકાય છે. પરંતુ આ જગ્યાની સ્વચ્છતાનું ખાસ ધ્યાન રાખો.

તિજોરી કે ચપ્પલ ન રાખો
વાસ્તુ નિષ્ણાતો કહે છે કે સીડીની નીચે ચપ્પલનું ખાનું અથવા તો દાગીના પૈસાની તીજોરી ન મનુકો. આમ કરવાથી વ્યક્તિને આર્થિક સંકટનો સામનો કરવો પડે છે.