Vastu Tips / ઘર આંગણે ખૂબ જ શુભ માનવામાં આવે છે કેળનું ઝાડ, લગાવતા પહેલા જાણી લો જરૂરી નિયમ

• ઘર આંગણે લગાવો કેળનું ઝાડ 
• માનવામાં આવે છે ખૂબ જ શુભ 
• જાણો તેને લગાવવાના નિયમો 

હિંદુ ધર્મમાં કેળાના વૃક્ષનું પૂજનીય સ્થાન છે. એવું માનવામાં આવે છે કે કેળાના ઝાડમાં ભગવાન બૃહસ્પતિ અને ભગવાન વિષ્ણુનો વાસ છે. તેથી ગુરુવારે કેળાના ઝાડને કાપવા, તોડવા વગેરેની મનાઈ હોય છે. જો તમે પણ ગુરુવારે ઘરમાં કેળાનું ઝાડ લગાવવાનું વિચારી રહ્યા છો તો એકવાર વાસ્તુના નિયમો જાણી લો.

નિયમિત કરો પૂજા 
વાસ્તુ અનુસાર જો ઘરની આસપાસ કેળાનું ઝાડ હોય તો તેની નિયમિત પૂજા કરો અને જળ ચઢાવો. તેમજ ગુરુવારે હળદરથી પૂજા કરવી પણ શુભ માનવામાં આવે છે. રાત્રે દીવો પ્રગટાવો. આમ કરવાથી ભગવાન વિષ્ણુની કૃપા પ્રાપ્ત થાય છે.

કેળના ઝાડની બાજુમાં લગાવવો આ છોડ 
એવું માનવામાં આવે છે કે કેળાના ઝાડની બાજુમાં તુલસીનો છોડ લગાવવો જોઈએ. કહેવાય છે કે કેળાના ઝાડમાં ભગવાન વિષ્ણુનો વાસ છે. સાથે જ તુલસીમાં દેવી લક્ષ્મીનો વાસ છે. આવી સ્થિતિમાં આ બંને છોડને એકસાથે લગાવવાથી બંનેના આશીર્વાદ મળે છે.

આ ખૂણામાં લગાવો કેળાનું ઝાડ
ઘરના ઈશાન ખૂણામાં કેળાનું ઝાડ લગાવવું હંમેશા શ્રેષ્ઠ માનવામાં આવે છે. આ સિવાય તેને ઘરની ઉત્તર કે પૂર્વ દિશામાં પણ લગાવી શકાય છે. આ દિશા પૂજા માટે સારી અને શુભ માનવામાં આવે છે. ત્યાં જ વાસ્તુ અનુસાર તેને ઘરની દક્ષિણ, પશ્ચિમ અને અગ્નિ દિશામાં રાખવું અશુભ માનવામાં આવે છે.

ઘરની આગળ ન લગાવો કેળાનું ઝાડ
વાસ્તુ નિષ્ણાતોના મતે ઘરના આગળના ભાગમાં કેળાનું ઝાડ ક્યારેય ન લગાવવું જોઈએ. હંમેશા ઘરની પાછળ કેળાનું ઝાડ લગાવો. તેને લગાવતી વખતે તેને એકદમ સ્વચ્છ જગ્યાએ લગાવવી જોઈએ. તેની આસપાસ કોઈપણ પ્રકારની ગંદકી ન હોવી જોઈએ.

યોગ્ય કાળજી ન લેવામાં આવે તો મળે છે અશુભ પરિણામ 
વાસ્તુ અનુસાર કેળાનું ઝાડ ઘરમાં સુખ-સમૃદ્ધિ લાવે છે. જો કેળાના ઝાડની યોગ્ય કાળજી લેવામાં ન આવે તો તે અશુભ પરિણામ આપવા લાગે છે. તેથી ઘરમાં કેળાનું ઝાડ લગાવતા પહેલા તેના નિયમો સારી રીતે જાણી લેવા જરૂરી છે.