તમારા કામનું / તમારા ઘરમાં રહેલી આ વસ્તુઓ ફેલાવે છે નકારાત્મક્તા, હાલ જ કરો ઘરની બહાર, બની શકે છે ધન હાનિનું કારણ

• ઘરના વાસ્તુ દોષને આ રીતે કરો દૂર 
• આ વસ્તુઓ ફેલાવે છે નકારાત્મકતા 
• આજે જ કરો ધરથી દૂર 

ઘરમાં રહેલો વાસ્તુ દોષ વ્યક્તિની સફળતા અને પ્રગતિમાં અવરોધ બની જાય છે. ઘણી વખત મહેનત કર્યા પછી પણ વ્યક્તિ પ્રગતિ નથી કરી શકતો અથવા તો તેને તેની મહેનતનું ફળ નથી મળી શકતું. ઘરમાં રહેલી કેટલીક વસ્તુઓ ઘરમાં નકારાત્મકતા ફેલાવે છે.

તેનાથી સુખ, શાંતિ અને સમૃદ્ધિનો અંત આવે છે. અને વ્યક્તિની પ્રગતિમાં અવરોધ ઊભો કરે છે. તેથી કેટલીક વાસ્તુ ટિપ્સ ધ્યાનમાં રાખવી ખૂબ જ જરૂરી છે. તેનાથી ઘરમાં સકારાત્મક ઉર્જા જળવાઈ રહે છે. આવો જાણીએ કઈ કઈ વસ્તુઓને ઘરમાંથી દૂર કરવી જરૂરી છે.

સુકાઈ ગયેલા વૃક્ષો અને છોડ  
ઘરમાં વૃક્ષો લગાવવાથી તાજગી મળે છે. ત્યાં જ સકારાત્મકતા પણ આવે છે. પરંતુ ઘરમાં સુકાઈ ગયેલા વૃક્ષો અને છોડને તાત્કાલિક દૂર કરી દેવા જોઈએ. તેનાથી ઘરનું વાતાવરણ બગડે છે. ઘરમાં ઝાડ અને છોડને નિયમિત પાણી આપો.

બંધ ઘડિયાળ 
વાસ્તુ અનુસાર દિવાલ પર બંધ પડેલી ઘડિયાળને તરત જ હટાવી દો. નહીં તો તે તમારા નસીબ પર તાળા લગાવી શકે છે. સાથે જ ઘરમાં તૂટેલી કે બંધ ઘડિયાળ રાખવી પણ શુભ માનવામાં આવતી નથી. તેનાથી તમારી આવક પર ખરાબ અસર પડે છે.

ગંદુ ઘર 
ગંદા ઘરમાં ન તો માતા લક્ષ્મીની કૃપા રહે છે અને ન તો ધન અને અન્નની વૃદ્ધિ થાય છે. આવી સ્થિતિમાં ઘરને સાફ રાખવું ખૂબ જ જરૂરી છે. જો દરેક વસ્તુને યોગ્ય રીતે રાખવામાં આવે તો ઘરમાં સકારાત્મકતા આવે છે. તેની સાથે અઠવાડિયામાં એકવાર ઘરમાં મીઠાના પાણીથી પોતુ કરો.