ડ્રગ્સ કેસ / અમદાવાદને 'નશીલું' બનાવવાના કાવતરાનો પર્દાફાશ, એક મહિનામાં ઓનલાઈન વેચાયું 200 ગ્રામ ડ્રગ્સ, પોલીસ પણ ચોંકી

• ઈ-કોમર્સ કંપની બની રહી છે માધ્યમ
• ડ્રગ્સના વેચાણ માટે બની રહ્યું છે માધ્યમ
• 200 ગ્રામ ડ્રગ્સ વેચ્યું હોવાનો ઘટસ્ફોટ

ઓનલાઇન બિઝનેસ હાલમાં ફૂલીફાલી રહ્યો છે. લોકો  લોકલ બજારને બદવે ઓનલાઇન ખરીદી કરવાનું પસંદ કરી રહ્યા છે તેવામાં ડ્રગ્સ માફિયાઓને પણ ઓનલાઇન વેચાણ માટે મોકળુ મેદાન મળી ગયુ,. જી, હા અમદાવાદમાં ઓનલાઇન ડ્રગ્સનો વેપલો કરવાના કેસમાં મોટો ઘટસ્ફોટ થયો છે.  ગુજરાત એટીએસએ બાતમીના આાધારે 3 આરોપીને ઝડપી પાડ્યા હતા જેઓએ એક જ મહિનામાં 200 ગ્રામ ડ્રગ્સ વેચ્યુ હોવાનો ખૂલાસો થયો છે. આરોપીઓ ફર્જી કંપની બનાવીને ઇ કોમર્સ કંપનીના માધ્યમથી ડિલીવરી આપતા હતા. 

કેવી રીતે કરતા હતા ડ્રગ્સની ડિલીવરી ?

આ સમગ્ર કૌભાંડમાં તપાસ કરતા સામે આવ્યુ છે કે આરોપીઓ ઇ-કોમર્સ વેબસાઇટથી પાર્સલમાં ડ્રગ્સની ડિલીવરી કરતા હતા. છેલ્લા દોઢ વર્ષથી તેઓ ક્રિષ્ના એન્ટરપ્રાઇઝ નામની કંપની ચલાવતા હતા. જેમાં આરોપી આકાશ વિઝાંવા, કરણ વાઘ નામના શખ્સોએ ઓનલાઇન ડ્રગ્સ વેચાણનું નેટવર્ક ગોઠવ્યું હતું.

રમકડાની આડમાં કરતા ડ્રગ્સની ડિલીવરી

આરોપી આકાશ અને કરણે ક્રિષ્ના એન્ટરપ્રાઇઝ નામની કંપનીના નામથી રજિસ્ટ્રેશન કરાવ્યુ હતું. એમેઝોનના લોકલ વેન્ડર તરીકે તેઓ લિસ્ટેડ હતા. એમેઝોન તરફથી પેકિંગ માટે બોક્સ અને પૂંઠા સહિતની સામગ્રી આપવામાં આવતી હતી તેમાં આ શખ્સો રમકડા અને મોબાઇલ ફોનની આડમાં ડ્રગ્સની ડિલીવરી કરતા હતા. 

પોલીસે વધુ તપાસ કરી શરૂ

હાલમાં ગુજરાત એટીએસ અને વસ્ત્રાપુર પોલીસે ત્રણેય આરોપીઓને ઝડપી પાડીને વધુ પૂછપરછ શરૂ કરી છે. એમેઝોન, બેંક, આંગડિયા અને એપ્સથી નાણાકીય વ્યવહારની તપાસ કરવામાં આવશે. આ ત્રણેય શખ્સો વસ્ત્રાપુરમાં ફ્લેટ રાખીને માદક દ્વવ્યોનું ફ્લેવરિંગ કરતા હતા. આ મામલે હાલ પોલીસે આ ઓનલાઇન ડ્રગ્સના તાર ક્યાં સુધી જોડાયેલા છે. અમદાવાદ સહિત રાજ્યમાં ક્યાં અને કેટલુ ડ્રગ્સ વેચ્યુ તે અંગે તપાસ હાથ ધરી છે. 

6 જૂને ઓનલાઇન ડ્રગ્સ કૌભાંડ ઝડપાયુ હતું

ગુજરાત ATSએ બાતમીના આધારે અમદાવાદના વસ્ત્રાપુરમાંથી ડ્ગ્સનો વેપલો કરતા ત્રણ આરોપીઓને ઝડપી પાડ્યા હતા. એમડી ડ્રગ્સ,ચરસ અને ગાંજાના જથ્થા સહિત આરોપીની ધરપકડ કરવામાં આવી હતી. રાજુલાના રહેવાસી અને ઓનલાઈન ડ્ગ્સ રેકેટના માસ્ટર માઈન્ડ આકાશ વિઝાંવાની  ATSએ ધરપકડ કરી હતી. ATSએ 28 લાખનો મુદ્દામાલ કબ્જે કરી વધુ તપાસ હાથ ધરી હતી.