ભાજપ નેતા યજ્ઞેશ દવેએ ટ્વિટ કરીને હાર્દિક પટેલ પર પ્રેમ દર્શાવતા ભાજપના જ નેતાઓએ તેની પર ટ્વિટ કરીને કટાક્ષ કર્યો છે.
યજ્ઞેશ દવેના ટ્વિટ પર ચિરાગ પટેલ અને વરૂણ પટેલનું ટ્વિટ
યજ્ઞેશ દવેના ટ્વિટ બાદ ભાજપની નીતિ પર જ સવાલ ઉઠ્યાં
થોડી સંવેદના અને પ્રેમ અમારા પર પણ રાખો: ચિરાગ પટેલ
ભાજપ નેતા યજ્ઞેશ દવેએ તાજેતરમાં જ રાહુલ ગાંધીના સંબોધનને લઇને કોંગ્રેસ પર જાતિવાદનો આક્ષેપ લગાવતા ટ્વિટ કરીને જણાવ્યું હતું કે, 'કોંગ્રેસમાં ભયંકર જાતિવાદ છે. હાર્દિક પટેલ સામે 32 કેસ છે અને 10 મહિના જેલમાં રહ્યાં હોવા છતાં રાહુલ ગાંધીએ કેમ હાર્દિકના નામનો ઉલ્લેખ ન કર્યો?' ત્યારે હવે આ મુદ્દે ભાજપ નેતા ચિરાગ પટેલ અને વરૂણ પટેલે પણ ટ્વિટ કર્યું છે. ચિરાગ પટેલે અને વરૂણ પટેલે યજ્ઞેશ દવેના ટ્વિટ બાદ ભાજપની નીતિ પર જ સવાલ ઉઠાવ્યા છે.
मैं भी 7 महीने राजद्रोह के केस में जेल में रहा हूं। कोंग्रेस के नेता की बजाय थोड़ी संवेदना और प्यार हमारे ऊपर भी रखा करो।
अपनों से दूरी और दुश्मनों से प्यार... https://t.co/2vqDDC79qN
થોડી સંવેદના અને પ્રેમ અમારા પર પણ રાખો: ચિરાગ પટેલ
કોંગ્રેસમાં જાતિવાદ મામલે યજ્ઞેશ દવેના ટ્વિટ પર ભાજપ નેતા ચિરાગ પટેલે અને વરૂણ પટેલે પણ ટ્વિટ કર્યું છે. જેમાં ચિરાગ પટેલે ટ્વિટ કરતા કહ્યું કે, 'હું પણ 7 મહિના સુધી રાજદ્રોહના કેસમાં જેલમાં રહ્યો છું. કોંગ્રેસ નેતાઓને બદલે થોડી સંવેદના અને પ્રેમ અમારા પર પણ રાખો.'
भाई ३२ केस मेरे पर भी दर्ज हुए थे, पुलिस कस्टडी में भी बहुत रहा हूँ थोड़ा ज़िक्र मेरा भी किया करो. हम भी भाजपा के प्यार के हक़दार हे https://t.co/ms03YJSrt6
થોડો મારા નામનો પણ ઉલ્લેખ કરો, અમે પણ ભાજપના પ્રેમના હકદાર છીએ: વરૂણ પટેલ
તો બીજી બાજુ વરૂણ પટેલે પણ ટ્વિટ કરીને જણાવ્યું કે, 'ભાઈ 32 કેસ તો મારા પર પણ થયા હતા. હું પણ પોલીસ કસ્ટડીમાં રહ્યો હતો. થોડો મારા નામનો પણ ઉલ્લેખ કરો. અમે પણ ભાજપના પ્રેમના હકદાર છીએ.'
અત્રે તમને જણાવી દઇએ કે, ભાજપ નેતા યજ્ઞેશ દવેએ ટ્વિટ કરીને કહ્યું હતું કે, 'કોંગ્રેસમાં ભયંકર જાતિવાદ ચાલી રહ્યો છે. રાહુલ ગાંધીએ માત્ર જિગ્નેશ મેવાણીનો જ ઉલ્લેખ કર્યો. જિગ્નેશ મેવાણી કરતા હાર્દિક પટેલ વધુ જેલમાં રહ્યાં છે. હાર્દિક પટેલ સામે 32 કેસ છે અને 10 મહિના હાર્દિક જેલમાં રહ્યાં હતાં. જ્યારે જિગ્નેશ મેવાણી માત્ર 9 દિવસ જ જેલમાં રહ્યાં હતાં. હાર્દિક પટેલના નામનો કેમ ઉલ્લેખ ન કર્યો?'
कांग्रेस जातिवाद की राजनीति करती है यह तो सुना था लेकिन कांग्रेस में भी भयंकर जातिवाद है यह आज पता चल गया।
हार्दिक पटेल को दो साल की सजा, 32 केस और दस महीने जेल में बंद रहे लेकिन कभी भी राहुल गांधी ने मंच से ज़िक्र नही किया,परंतु जिग्नेश मेवानी नौ दिन जेल में रहे तो ज़िक्र किया.
કોંગ્રેસમાં પણ ભયંકર જાતિવાદ છે તેની આજે ખબર પડી: યજ્ઞેશ દવે
યજ્ઞેશ દવેએ ટ્વિટ કરીને કોંગ્રેસ પર પ્રહાર કરતા જણાવ્યું કે, 'કોંગ્રેસ જાતિવાદની રાજનીતિ કરે છે એ મે સાંભળ્યું હતું કે પરંતુ કોંગ્રેસમાં પણ ભયંકર જાતિવાદ છે તેની આજે ખબર પડી. હાર્દિક પટેલ બે વર્ષની સજા, 32 કેસ અને દસ મહિના જેલમાં રહ્યાં, પરંતુ રાહુલ ગાંધીએ ક્યારેય સ્ટેજ પરથી એનો ઉલ્લેખ ન કર્યો, પરંતુ જિજ્ઞેશ મેવાણી નવ દિવસ જેલમાં રહ્યાં તો રજૂ કર્યું.'