બોલિવૂડ / વરુણ-નતાશાનો વેડિંગ વેન્યુ રોયલ અને આલિશાન છે, એક દિવસનું ભાડુ જાણીને આંખો થશે ચાર

• વરુણ-નતાશાનાં લગ્ન બન્યા ટોક ઓફ ધ ટાઉન
• વેડિંગ વેન્યુનું ડેકોરેશન અને ફર્નિચર રોયલ છે
• બીચ પાસે હોવાને લીધે રિસોર્ટ વધારે આકર્ષક લાગે છે

વરુણ ધવનનાં લગ્ન માટે તેનાં ફેન્સમાં ઘણી ઉત્સુકતા
વરુણ ધવને આજની પેઢીમાં એક આગવી ઓળખ બનાવી છે માટે જ તેણે યુવાનોમાં ઘણી લોકપ્રિયતા મેળવી છે. એટલે તેની પળપળની ખબર જાણવા માટે તેનાં ફેન્સ ઉત્સુક રહેતા હોય છે. તેવી જ રીતે વરુણનાં વેડિંગની વાત જાણીને તેનાં ફેન્સની ઉત્સુકતા ચરમસીમા પર છે અને તેઓ જાણવા માંગી રહ્યાં છે કે વરુણ તેનાં લગ્નમાં કેવા કપડા પહેરશે, તેનાં લગ્નમાં કોણ કોણ આવશે.

25 આલિશાન વિલા સાથેનો ધ મેન્શન હાઉસ રિસોર્ટ બુક કરાવ્યો 
વરુણ ધવને તેના વેડિંગ માટે અલિબાગનુ ધ મેન્શન હાઉસ રિસોર્ટ બુક કરાવ્યું છે. જે વેડિંગ વેન્યુ ખૂબ આકર્ષક છે અને આકર્ષકની સાથે તેની કિંમત પણ ચોંકાવનારી છે. ધ મેન્શન હાઉસમાં 25 રૃમ્સ વાળા આલિશાન વિલા છે. જ્યારે દરેક પ્રકારની સુવિધા છે, જેનું ડેકોરેશન અને ફર્નિચર બધુ રોયલ લાગે છે. રાત્રે આ રિસોર્ટનું સુંદરતા વધુ આકર્ષિત બની જાય છે. બીચનાં પાસે આવેલ આ વિલા ખૂબજ લેવિશ છે. જેટલાં આલિશાન આ વિલા છે તેટલા જ એના ભાડા પણ ચોંકાવનારા છે. ધ મેન્શન હાઉસનું એક દિવસનું ભાડુ ચાર લાખ રૃપિયા છે. 

2020માં લગ્ન કરવાનો પ્લાન હતો
ભલે વરુણ ધવને તેનાં લગ્નમાં વધુ મહેમાનોને આમંત્રિત ના કર્યાં હોય પણ તેણે લગ્નને આલિશાન અને શાનદાર બનાવવા માટે કંઈ કસર નથી છોડી. ઉલ્લેખનીય છે કે વરુણ અને નતાશા ગયા વર્ષે વિયેતનામાં લગ્ન કરવાનો પ્લાન કરી રહ્યાં હતા પણ કોરોનાને લીધે તે શક્ય ના બન્યુ.