રાજકારણ / ખેડૂતોની લાખોની ભીડ જોઈ આંદોલનના સમર્થનમાં ઉતર્યા ભાજપના દિગ્ગજ નેતા, આપ્યું મોટું નિવેદન

• વરુણ ગાંધી ખેડૂતોના સમર્થનમાં 
• ટ્વીટર પર ટ્વીટ કરી સમર્થન આપ્યું 
• સરકારને સન્માન સાથે વાત કરવા સલાહ આપી 

ઉત્તરપ્રદેશના મુજફ્ફરપુરમાં આજે ખેડૂતોની મહાપંચાયત છે. જેમા 300 કરતા પણ ખેડૂતોના સંગઠનો જોડાયા હોવાનો દાવો કરવામાં આવ્યો છે. સંયુક્ત કિસાન મોર્ચા દ્વારા એવો દાવો કરવામાં આવ્યો છે કે આ અત્યાર સુધીની સૌથી મોટી મહાપંચાયય છે. 

Lakhs of farmers have gathered in protest today, in Muzaffarnagar. They are our own flesh and blood. We need to start re-engaging with them in a respectful manner: understand their pain, their point of view and work with them in reaching common ground. pic.twitter.com/ZIgg1CGZLn

— Varun Gandhi (@varungandhi80) September 5, 2021

ટ્વીટર પર વીડિયો શેર કર્યો 

જોકે આ મહાપંચાયતમાં ભાજપ સાંસદ વરુણ ગાંધીએ જોડાઈને તેનીજ સરકારને ઘેરી છે. જેમા તેણે ટ્વીટર પર એક વીડિયો શેર કર્યો છે. જે વીડિયોમાં લોકોની ભીડ દેખાઈ રહી છે. વીડિયોમાં તેણે નીચે એવું પણ લખ્યું છે કે અમે ખેડૂતોનું દુખ સમજી શકીએ છે. 

મુજફ્ફરનગરમાં મોટી સંખ્યામાં ખેડૂતો 

સવારથીજ મુજફ્ફરપુરના રસ્તાઓ પર આજે ખેડૂતોજ દેખાઈ રહ્યા છે. હજારો ખેડૂતો જીઆઈસી મેદાનમાં હાજર રહ્યા છે. જ્યા મહાપંચાયત થવાની છે તેના કરતા વધારે ખેડૂતો રોડ રસ્તાઓ ઉપર દેખાઈ રહ્યા છે. 

સન્માન સાથે વાત કરવાની સલાહ 

સમગ્ર મામલે વરુણગાંધીએ ટ્વીટર વીડિયો શેર કરીને એવું લખ્યું કે આજે લાખો ખેડૂતો પ્રદર્શન કરવા એકઠા થયા છે. તે આપણુંજ લોહી છે તેમની સાથે ફરી સમ્માન સાથે વાત કરવી જોઈએ. તેમના દુખને સમજવું જરૂરી છે. સાથેજ જમીન સુધી પહોચવા માટે તેમની સાથે કામ કરકરવું પણ જરૂરી છે. 

સરકાર અને ખેડૂતોની 11 વખત વાતચીત થઈ 

ગત વર્ષે સપ્ટેમ્બરમાં કેન્દ્ર સરકારે ત્રણ કૃષિ કાયદા લાગૂ કર્યા હતા. જેને લઈન એક વર્ષથી ખેડૂતો વિરોધ કરી રહ્યા છે. આ મુદ્દે ખેડૂતો અને સરકાર વચ્ચે 11 વખત વાતચીત થઈ ચુકી છે. જોકે કોઈ સમાધાન નથી આવી રહ્યું, ગત નવેમ્બર મહિનાથી ખેડૂતો દિલ્હીની સરહદો પર પ્રદર્શન કરી રહ્યા છે. 

કૃષિ કાયદા રદ કરવા સરકાર નથી તૈયાર 

ઉલ્લેખનીય છે કે સમગ્ર મામલે ખેડૂતો એવું ઈચ્છે છે કે સરકાર ત્રણેય કૃષિ કાયદાઓ રદ કરે અને MSP પર કાયદો લાવે. બીજી તરફ સરકારનું કહેવું છે કે તેઓ કૃષિ કાયદા રદ નહી કરે જો ખેડૂતો ઈચ્છે તો તેઓ તેમના હિસાબે આ વિષય પર સંશોધન કરી શકે છે.