બોલિવૂડ એક્ટર વરૂણ ધવનની માસીનું નિધન થઈ ગયું છે. તે અમેરિકાના શિકાગો શહેરમાં રહેતી હતી અને ત્યાં જ તેમણે છેલ્લા શ્વાસ લીધા. વરૂણ ધવન સોશિયલ મીડિયા પર પોસ્ટ કરીને તેની માસીના નિધનની જાણકારી આપી છે.
બોલિવૂડ એક્ટર વરૂણ ધવનની માસીનું નિધન
કોરોનાને કારણે એક્ટરનું માસીનું થયું નિધન
વરૂણને માસીને સોશિયલ મીડિયા પર આપી શ્રદ્ધાજંલિ
વરૂણ ધવને તેની માસી સાથેની એક તસવીર શેર કરીને લખ્યું- લવ યૂ માસી. RIP. આ ઉપરાંત એક્ટર ત્રણવાર ગાયત્રી મંત્ર લખ્યો છે. જોકે, વરૂણ ધવને તેની માસીના નિધનના કારણ વિશે કંઈ જ જણાવ્યું નથી. પરંતુ સૂત્રોથી મળતી માહિતી પ્રમાણે વરૂણની માસીનું નિધન કોરોના વાયરસના સંક્રમણને કારણે થયું છે.
વરૂણ ધવનની સોશિયલ મીડિયા પોસ્ટ પર બોલિવૂડ સેલેબ્સે પણ દુઃખ વ્યક્ત કર્યું છે. મલાઈકા અરોરા, દિયા મિર્ઝા અને સોનમ કપૂર સહિતના સ્ટાર્સે વરૂણ ધવનની માસીને શ્રદ્ધાજંલિ આપી છે. ઉલ્લેખનીય છે કે, અમેરિકામાં કોરોના વાયરસથી મરનારનો આંકડો સૌથી વધુ છે. અમેરિકામાં કોરોનાથી મરનારની સંખ્યા 97,000ને પાર કરી ચૂકી છે અને સંક્રમિતોની સંખ્યા પણ વધતી જઈ રહી છે.
વરૂણના વર્કફ્રંટની વાત કરીએ તો છેલ્લે તે સ્ટ્રીટ ડાંસર 3ડીમાં શ્રદ્ધા કપૂર સાથે જોવા મળ્યો હતો. જોકે, બોક્સ ઓફિસ પર આ ફિલ્મ ખાસ કંઈ કમાલ દેખાડી શકી નહીં. હવે તે પિતા ડેવિડ ધવનના ડિરેક્શનમાં બનેલી ફિલ્મ કુલી નંબર 1માં સારા અલી ખાન સાથે જોવા મળશે. આ ફિલ્મ 1 મેના રોજ રિલીઝ થવાની હતી પરંતુ કોરોનાને કારણે રિલીઝ ડેટ પોસ્ટપોન કરી દેવામાં આવી છે.