સામાન્ય જનતાની જેમ જે બોલિવૂડ સ્ટાર્સ પણ લગ્ન સીઝન એન્જોય કરી રહ્યાં છે. બોલિવૂડમાં અરમાન જૈનના લગ્નની સાથે વેડિંગ સીઝન શરૂ થઈ ગઈ છે. હાલમાં જ રણબીર અને આલિયાના લગ્નની તારીખ સામે આવી હતી. ત્યારે હવે અન્ય એક બોલિવૂડ કપલ લગ્ન બંધનમાં બંધાઈ જવાનું છે. અમે વાત કરી રહ્યાં છે નતાશા દલાલ અને વરૂણ ધવનની.
આ બંને બાળપણના મિત્રો છે અને ધીરે-ધીરે તેમનો પ્રેમ પાંગર્યો, જે હવે લગ્ન બંધનમાં બંધાશે. મળતી માહિતી પ્રમાણે, વરૂણ અને નતાશા લાંબા સમયથી એકબીજાને ડેટ કરી રહ્યાં છે અને અનેકવાર સાથે જોવા મળે છે. બંનેના લગ્નના સમાચાર પણ ઘણાં સમયથી ચર્ચાઈ રહ્યાં છે અને હવે આ બંનેના લગ્નની ડેટ સામે આવી ચૂકી છે.
એવા સમાચાર છે કે, વરૂણ ધવન અને નતાશા દલાલ 22 મે 2020એ થાઈલેન્ડના JW Marriott Khao Lak Resort & Spaમાં લગ્ન કરશે. સ્પોટબોયના સૂત્રોના આધારે વર્ષ 2020ની સમર સીઝનમાં લગ્ન કરી લેશે. વરૂણના મેન્ટર કરણ જોહર પણ તેના લગ્નમાં મહત્વની ભૂમિકા ભજવશે. એટલું જ નહીં વરૂણ અને નતાશા કરણ જોહરની જ્વેલરી બ્રાન્ડ ત્યાનીની જ્વેલરી તેમની સંગીત સેરેમનીમાં પહેરશે.
જોકે, હાલ કોરોના વાયરસે હાહાકાર મચાવ્યો છે અને થાઈલેન્ડમાં પણ તેના દર્દીઓ ડિટેક્ટ થવાથી વરૂણ લગ્નનું ડેસ્ટિનેશન બદલી શકે છે. તમને જણાવી દઈએ કે વરૂણે કોફી વિથ કરણના શો પર નતાશા સાથે તેના રિલેશનની કબૂલાત કરી હતી.