એક્ટર વરૂણ ધવનની એક્ટિંગ અને સ્ટાઈલના લોકો દિવાના છે. તે સોશિયલ મીડિયા પર ખૂબ જ એક્ટિવ રહે છે. ત્યારે હાલમાં તેણે જણાવ્યું કે તે પિતા બની ગયો છે અને તેણે વીડિયો પણ શેર કર્યો છે.
એક્ટર વરૂણ ધવનની એક્ટિંગ અને સ્ટાઈલના લોકો દિવાના છે
તે સોશિયલ મીડિયા પર ખૂબ જ એક્ટિવ રહે છે
વરૂણે વીડિયો શેર કરીને જણાવ્યું કે તે પિતા બની ગયો છે
વરૂણ ધવન રિયલ લાઈફમાં ખૂબ જ મસ્તીખોર વ્યક્તિ છે. તે સોશિયલ મીડિયા પર અવારનવાર તેના મસ્તીભર્યા વીડિયોઝ ફેન્સ સાથે શેર કરતો રહે છે. હકીકતમાં વરૂણના ઘરે એક નાનકડો મહેમાન આવ્યો છે, એ છે તેનો ડોગ. જેની દેખભાળ માટે વરૂણ તેનો પિતા બની ગયો છે અને તેનું નામ રાખવા માટે તેના ફેન્સથી મદદ પણ માંગી છે. એક્ટરે તેના ઈન્સ્ટાગ્રામ એકાઉન્ટ પર એક વીડિયો શેર કર્યો છે જેમાં તે એક પપીની સાથે મસ્તી કરતો જોવા મળી રહ્યો છે. ફેન્સને તેનો આ વીડિયો ખૂબ જ પસંદ આવી રહ્યો છે.
વીડિયોમાં જોઈ શકાય છે કે વરૂણને તેના પપીથી ઘણો પ્રેમ છે. તેની દેખભાળ કરીને તેને ખૂબ જ ગમી રહ્યું છે. તેણે વીડિયોના કેપ્શનમાં લખ્યું ફાધરહુડ, હવે પોતાના દિકરાનું નામ રાખી નથી શકી રહ્યો, મારી મદદ કરો. ફેન્સની સાથે સેલેબ્સ પણ તેના આ વીડિયો પર કમેન્ટ કરી રહ્યાં છે.
થોડા દિવસો પહેલાં અભિનેતાનો એક વીડિયો વાયરલ થયો હતો, જેમાં તે લોકોને ડોકટરો સાથે યોગ્ય વર્તન કરવા કહી રહ્યો છે. તેણે કહ્યું- 'ડોકટરોને હેરાન ન કરો, તમે આવું ન કરી શકો. સાથે જ તે લોકોને ડોકટરોની સાથે ઊભા રહેવાનું પણ કહી રહ્યો હતો.
વર્કફ્રંટની વાત કરીએ તો, વરુણ ધવન ફિલ્મ 'જુગ જુગ જિયો'માં જોવા મળશે. આ ફિલ્મમાં વરુણની સાથે અનિલ કપૂર, કિયારા અડવાણી, નીતૂ કપૂર મહત્વના રોલમાં છે. આ ઉપરાંત વરુણ ધવન ક્રિતી સેનન સાથે 'ભેડિયા' ફિલ્મમાં જોવા મળશે. ક્રિતી અને વરુણ બીજીવાર સાથે કામ કરી રહ્યા છે. અગાઉ તેઓ 'દિલવાલે'માં જોવા મળ્યા હતા.