બોલિવૂડ એક્ટર વરૂણ ધવને હિપ હોપ ડાન્સર ઈશાનને સારવાર માટે પાંચ લાખ રૂપિયાની મદદ કરી છે. વરૂણને ઈન્સ્ટાગ્રામમાં હિપ હોપ ડાન્સર કાર્તિક રાજાની પોસ્ટ દેખાઈ હતી. જેમાં ડાન્સર ઈશાનને મદદ કરવાની અપીલ કરવામાં આવી હતી.
કોણ છે ઇશાન:
ઈશાન યુપીના મુરાદાબાદનો ડાન્સર છે. જે ડાન્સ પ્રેક્ટિસ દરમિયાન ઘાયલ થયો હતો. ડબલ ફ્રન્ટ ફ્લિપ કરતાં સમયે ઈશાનનું બેલેન્સ બગડ્યું હતું અને ગરદનમાં ઈજા થઈ હતી.
ઇશાનની મદદ માટે ઇન્ડસ્ટ્રીઝના અનેક ડાન્સર્સ પોતાના સોશ્યલ મીડિયા એકાઉન્ટ્સની મદદથી પૈસા ભેગા કરવા માટે કેમ્પેન ચલાવ્યુ છે. વરૂણે જ આ પોસ્ટ જોઇને કાર્તિક રાજાને મેસેજ કરીને ઇશાનને મદદ કરવાની વાત કરી હતી.
વરૂણના મેસેજનો સ્ક્રીન શોટ શૅર કરવામાં આવ્યો છે. જેમાં વરૂણ ધવન પૂછે છે, 'ભાઈ આ છોકરો કોણ છે? અને હું આની મદદ કેવી રીતે કરી શકું, પ્લીઝ મને કહો.' ઈન્સ્ટાગ્રામમાં 'ટુ ધ કલ્ચર' પેજના ફાઉન્ડર પારિતોષે કહ્યું હતું કે વરૂણ ધવને પાંચ લાખ રૂપિયા સારવાર માટે આપ્યા છે.
ઉલ્લેખનીય છે કે, વરૂણ ધવન ડાન્સર્સની મદદ માટે આગળ આવ્યો હયો. આ પહેલા 2015માં સુરેશ મુકુંદમાં ગ્રુપનુ વર્લ્ડ હિપહોપ ચેમ્પિયનશિપમાં ભાગ લેવાનુ સપનું પૂરુ કર્યુ હતુ. ABCD 2 સુરેશના જીવન પર આધારિત હતી. સુરેશ કિંગ્ડમ યુનાઇટેડ ઇન્ડિયા ગ્રુપનો હેડ છે. જેમાં જેનિફર લોપેઝ, ને યો અને ડેરેક હોઝ જજ પેનલમાં રહે છે.
વરૂણ ધવન હાલમાં ફિલ્મ 'સ્ટ્રીટ ડાન્સર 3D'ના શૂટિંગમાં વ્યસ્ત છે. પંજાબ તથા લંડન બાદ હવે દુબઈમાં ફાઈનલ શેડ્યૂલ શૂટ થશે. આ ફિલ્મને રેમો ડિસોઝા ડિરેક્ટ કરશે. ફિલ્મ આ વર્ષે નવેમ્બરમાં રિલીઝ થવાની છે.