બોલિવૂડ એક્ટર વરૂણ ધવન હાલ તેની ફિલ્મ ભેડિયાની શૂટિંગમાં વ્યસ્ત છે. ત્યારે તેનો એક વીડિયો ખૂબ જ વાયરલ થઈ રહ્યો છે.
વરૂણ ધવન હાલ તેની ફિલ્મ ભેડિયાની શૂટિંગમાં વ્યસ્ત છે
અરૂણાચલ પ્રદેશમાં ચાલી રહી છે શૂટિંગ
વરૂણ ધવન નાની બાળકી સાથે આવું કરતા જોવા મળ્યો
તમને જણાવી દઈએ કે, વરૂણ તેની ફિલ્મ ભેડિયાની શૂટિંગ માટે હાલ અરૂણાચલ પ્રદેશમાં છે. ફિલ્મમાં કૃતિ સેનન પણ જોવા મળશે. ત્યારે કૃતિએ હાલમાં જ વરૂણનો એક ફની વીડિયો શેર કર્યો છે. શૂટિંગ દરમિયાન લોકો પોતાના ફેવરિટ સ્ટાર્સને મળવા આતુર રહે છે. ત્યારે હાલમાં જ એક ફેન સેટ પર પોતાની દીકરીનો બર્થડે મનાવવા પહોંચ્યો હતો. ત્યારે કૃતિએ આ મૂમેન્ટનો વીડિયો પોતાના ઈન્સ્ટાગ્રામ પર શેર કર્યો છે.
વીડિયોમાં વરુણ કેક કાપતો જોવા મળી રહ્યો છે. વરૂણ સાથે એક વ્યક્તિ જોવા મળી રહ્યો છે અને તે વ્યક્તિના ખોળામાં એક નાનકડી બાળકી પણ છે. વીડિયોમાં જોવા મળી રહ્યું છે કે વરુણ કેક કાપીને બાળકીને બદલે પિતાને ખવડાવે છે. વીડિયોમાં વરુણ કેક હાથમાં લે છે અને ખવડાવવા જાય છે તેના પિતાને તો માસૂમ બાળકી તેનું મોં ખોલે છે, પરંતુ તેનું મોં ખુલ્લું જ રહી જાય છે વરૂણ પિતાને કેક ખવડાવી દે છે.
વીડિયો શેર કરીને કૃતિએ કેપ્શનમાં લખ્યું- આ કદાચ તારો દિવસ બનાવી દે. અમે બધાં ત્યાં જ હતા, હતા ને? મને વિશ્વાસ નથી થઈ રહ્યો વરૂણ કે તે આવું કર્યું. કૃતિએ વીડિયો શેર કર્યાંના થોડાં જ સમયમાં વરૂણે પણ આ વીડિયો પોતાના ઈન્સ્ટાગ્રામ એકાઉન્ટ પર શેર કર્યો અને લખ્યું-દીકરીનો બર્થડે અને ઉજવ્યો પિતાએ. મને માફ કરી દો.
તમને જણાવી દઈએ કે એવું લાગે છે કે વરૂણે બાળકી પર ધ્યાન નહીં આપ્યું હોય. સોશિયલ મીડિયા યુઝર્સની સાથે સ્ટાર્સ પણ આ ફની વીડિયોને પસંદ કરી રહ્યાં છે અને ઘણી કમેન્ટ્સ પણ કરી રહ્યાં છે.