બોલિવૂડ એક્ટર વરૂણ ધવને હાલમાં જ તેની લોન્ગ ટાઈમ ગર્લફ્રેન્ડ નતાશા સાથે લગ્ન કર્યા અને હવે તેનો એક વીડિયો સોશિયલ મીડિયા પર ખૂબ જ વાયરલ થઈ રહ્યો છે.
એક્ટર વરૂણ ધવને હાલમાં જ તેની લોન્ગ ટાઈમ ગર્લફ્રેન્ડ નતાશા સાથે લગ્ન કર્યા
તેનો એક વીડિયો સોશિયલ મીડિયા પર ખૂબ જ વાયરલ થઈ રહ્યો છે
અનુપમ ખેરએ વરૂણના નવા ઘરનો વીડિયો શેર કર્યો છે
વરૂણ ધવને ગર્લફ્રેન્ડ નતાશા સાથે અલીબાગના એક રિસોર્ટમાં કેટલાક નજીકના મિત્રો અને પરિવારજનોની હાજરીમાં લગ્ન કર્યા હતા. જોકે, હવે તે મુંબઈ પરત આવી ચૂક્યો છે. પરંતુ આ દરમિયાન તેનો એક વીડિયો ખૂબ જ વાયરલ થઈ રહ્યો છે. આ વીડિયો અનુપમ ખેરે તેના ઈન્સ્ટાગ્રામ એકાઉન્ટ પર 2017માં શેર કર્યો હતો. જોકે, અત્યારે આ વીડિયો વાયરલ થવા પર એવો અંદાજો લગાવવામાં આવી રહ્યો છે કે વરૂણ તેની પત્ની નતાશા સાથે આ જ ઘરમાં શિફ્ટ થઈ જશે.
તમને જણાવી દઈએ કે, આ વીડિયોમાં વરૂણ ધવન અનુપમ ખેરને પોતાનું ઘર બતાવતા નજરે પડે છે. વીડિયોમાં વરૂણ ધવન પોતાનો બેડરૂમ તો ક્યારેક લિવિંગ રૂમ દેખાડી રહ્યો છે. વરૂણ ધવન પોતાનું ઘર બતાવતી વખે ખૂબ જ ખુશ દેખાઈ રહ્યો છે. લોકો વરૂણ ધવનના આ વીડિયો પર ઘણી કમેન્ટ કરી રહ્યાં છે અને પ્રતિક્રિયા આપી રહ્યાં છે.
તમને જણાવી દઈએ કે વરૂણ ધવન અને નતાશા દલાલે 24 જાન્યુઆરીએ લગ્ન કર્યા હતા. તેઓએ અલીબાગમાં કેટલાક નજીકના મિત્રો અને સંબંધીઓની હાજરીમાં લગ્ન કર્યા. અભિનેતા દ્વારા તેના ઇન્સ્ટાગ્રામ એકાઉન્ટ પર લગ્નના ફોટા અને વીડિયો શેર કરવામાં આવ્યા હતા. લગ્ન પછી, ઘણાં સેલેબ્સે બંનેને અભિનંદન આપ્યા હતા. વરુણ અને નતાશાના લગ્નમાં ફક્ત 40-50 મહેમાનો સામેલ થયાના અહેવાલ છે. સમાચારો અનુસાર ટૂંક સમયમાં વરૂણ અને નતાશા મુંબઈમાં એક ભવ્ય રિસેપ્શન પાર્ટીનું આયોજન કરવાના છે.