બ્રાઉન રાઇસમાં વ્હાઇટ રાઇસ કરતા વધુ ફાઇબર અને મિનરલ્સ હોય છે. જો સ્વાસ્થ્યની વાત કરીએ તો એક્સપર્ટ પણ માને છે કે વ્હાઇટ રાઇસની સરખામણીમાં બ્રાઉન રાઇસ ખાવા વધુ ફાયદાકારક છે.
બ્રાઉન રાઇસ સ્વાસ્થ્ય માટે કેટલીય રીતે ફાયદાકારક હોય છે
સફેદ ચોખાની સરખામણીમાં બ્રાઉન રાઈસ વધારે પૌષ્ટિક હોય છે
બ્રાઉન રાઈસ અનેક રોગો સામે રક્ષણ કરે છે
બ્રાઉન રાઈસ છે વધુ લાભકારી
બ્રાઉન રાઇસમાં ઓછી કેલેરી હોય છે, પરંતુ તેમાં ફાઇબરની માત્રા ભરપૂર હોય છે, જેનાથી ડાઇજેશન અને મેટાબોલિઝ્મ સારું થાય છે. વજન ઘટાડવા માટે બ્રાઉન રાઇસ ખાવા ફાયદાકારક છે.
બ્રાઉન રાઇસ કોલેસ્ટ્રોલ લેવલ ઘટાડવામાં મદદ કરે છે. તેનાથી આર્ટરીઝ બ્લોક નથી થતી અને હાર્ટ સંબંધી બીમારીઓ થવાનો ખતરો ઓછો રહે છે.
બ્રાઉન રાઇસ હૃદયના સ્વાસ્થ્યને તંદુરસ્ત બનાવી રાખે છે. આ ફાઇબર અને ફાયદાકારક પોષકતત્ત્વથી ભરપૂર છે, જે હૃદય રોગના જોખમને ઘટાડવામાં મદદરૂપ થાય છે.
બ્રાઉન રાઇસમાં એન્ટીઓક્સીડેન્ટ્સ પણ રહેલા હોય છે, એટલે આ એજિંગને પણ અટકાવે છે.
વ્હાઇટ રાઇસની સરખામણીમાં બ્રાઉન રાઇસ ખાવાથી શુગર લેવલ વધતું નથી. દરરોજ બ્રાઉન રાઇસ ખાવાથી ડાયાબિટીસ થવાનો ખતરો પણ ઘણાં અંશે ઓછો થઈ જાય છે.
બ્રાઉન રાઇસમાં અનેક નેચરલ ઓઇલ હોય છે, જે ખરાબ કોલેસ્ટ્રોલ લેવલને કંટ્રોલમાં રાખે છે.
મેગ્નીશિયમ અને કેલ્શિયમથી ભરપૂર હોવાના કારણે બ્રાઉન રાઈસ હાડકાઓને મજબૂત કરવા માટે ખૂબ ફાયદાકારી છે. સફેદ ચોખા કરતાં આ આરોગ્યના ઘણાં ફાયદા આપે છે.