— VTV Gujarati News and Beyond (@VtvGujarati) March 25, 2022
ખેડૂતોની ટ્રેક્ટર રેલી ગાંધીનગરના પેથાપુર પહોંચી
છેલ્લા ઘણા સમયથી રાજ્યના વિવિધ વિસ્તારોમાં ખેડૂતો ખેતી માટે આઠ કલાક વીજળીની માંગને લઈ પોતાનો વિરોધ નોંધાવી રહ્યા છે. ખેતી માટે 8 કલાક વીજળી નહીં આપતા ખેડૂતો લડી લેવાના મુડમાં હોય તેમ લાગી રહ્યું છે.ત્યારે ભારતીય કિસાન સંઘની આગેવાનીમાં ખેતીની વિવિધ પડતર માંગણીઓને લઇ ખેડૂતોઓએ રેલીનું આયોજન કરવામાં આવ્યું હતું. આ દરમિયાન પોલીસે ખેડૂતોની આ રેલીને ગાંધીનગરના પેથાપુર પાસે થોડા સમય માટે અટકાવતાં પોલીસ અને ખેડૂતો વચ્ચે ભારે બોલાચાલી થઈ હતી.
પોલીસે રેલી અટકાવતા ખેડૂતોએ કર્યો ચક્કાજામ
પોલીસે રેલી અટકવતાની સાથે ખેડૂતોએ ગાંધીનગર-પેથાપુર પાસેના રસ્તા પર ભારે ચક્કાજામ કર્યો હતો. બાદમાં લોખંડી પોલીસ બંદોબસ્ત સાથે ખેડૂતો UGVCL કચેરી પહોંચી હતી. અને ખેતીની વીજળી 8 કલાક જૂના સમય પ્રમાણે આપવાની માંગ કરવામાં કરી હતી. આ સાથે ખેતી વિષયક વીજ મીટર હટાવી સમાન વીજદર કરવા, સરકારની ઘાતક નીતિઓથી ખેતીને નુકસાન થવાના આક્ષેપ સરકાર પર કરવામાં આવ્યા છે.
કોંગ્રેસના 10 ધારાસભ્યો વિધાનસભા ગેટ આગળ વિરોધમાં બેઠા
બીજી તરફ સવારે ખેડૂતોની રેલીના સમર્થમાં કોંગ્રેસના ધારાસભ્યોનો વિરોધ કર્યો હતો. જેમાં પુંજા વંશ, ભીખા જોશી, શિવાભાઇ ભુરિયા, લલિત વસોયા, રઘુ દેસાઇ, કિરીટ પટેલ સહિતના ધારાસભ્યો વિરોધમાં બેઠા હતાં.