લ્યો કરો વાત ! / મોબાઇલ ખરીદો તો 1 લીટર પેટ્રોલ અને એસેસરીઝ પર લીંબુ ફ્રી, ઑફર જાણીને ગ્રાહકો દુકાને દોડ્યા

• વારાણસીમાં એક મોબાઈલ શોપના માલિકે ગજબની ઑફર કાઢી
• મોબાઈલ ખરીદશો તો ફ્રીમાં મળશે 1 લીટર પેટ્રોલ 
• 50 રૂપિયાની મોબાઈલ એસેસરીઝ લેશે તો 2-4 લીંબુ મફતમાં મળશે

મોબાઈલની સાથે મળશે 1 લીટર પેટ્રોલ ફ્રી 

હવે ઉત્તર પ્રદેશના વારાણસીથી એક એવો મામલો સામે આવ્યો છે, જેને જાણ્યા બાદ તમને આશ્ચર્ય નહીં થાય. વારાણસીમાં એક મોબાઈલ શોપના માલિકે ગજબની ઑફર કાઢી છે, મોબાઈલ શોપના માલિકે દુકાનની અંદર અને બહાર અનેક પોસ્ટર લગાવ્યાં છે, જે બૂમો પાડીને એવુ જણાવી રહ્યાં છે કે જો કોઈ તેમની દુકાનમાંથી 10 હજારની કિંમતનો મોબાઈલ ખરીદે છે તો તેને 1 લીટર પેટ્રોલ ફ્રીમાં આપવામાં આવશે. આ સિવાય જો 50 રૂપિયાની પણ મોબાઈલ એસેસરીઝ લો છો તો તેને 2-4 લીંબુ મફતમાં આપવામાં આવશે. 

ગ્રાહકોને ખૂબ પસંદ આવી આ સ્કીમ

ન્યુજ એજન્સી એએનઆઈ મુજબ, આ દુકાન લહુરાબીરમાં છે. દુકાનદાર યશ જયસ્વાલે જણાવ્યું કે અત્યારે મોંઘવારી ચરમસીમાએ છે. ગરમી આવતા જ લીંબુ પણ સામાન્ય માણસના બજેટમાંથી બહાર જતા રહ્યાં છે. એવામાં તેમને લાગે છે કે કોઈ નવી ઑફર કાઢવામાં આવે. તેમણે જણાવ્યું કે આ ઑફર બાદ ગ્રાહકોની સંખ્યા અને વેચાણ પણ વધ્યું છે. તેમણે કહ્યું કે જ્યાં સુધી લીંબુનો ભાવ સામાન્ય થતો નથી ત્યાં સુધી અમે આ ઑફર ચાલુ રાખીશુ.