બહુમાન / જાણો કોણ છે વૅનિઝા રૂપાણી જેણે NASA ના પહેલાં મંગળ હેલિકોપ્ટરનું નામકરણ કરીને સિદ્ધિ હાંસલ કરી

• વનીજાએ નાસાની નિબંધ સ્પર્ધા 'નેમ ધ રોવર'માં ભાગ લીધો હતો 
• 28 હજાર નિબંધોમાં વનીજાનો નિબંધ પસંદ થયો 
• નાસાના હેલિકોપ્ટરનું નામકરણ કરી વનીજાએ રચ્યો ઈતિહાસ 

બાળપણથી જ અંતરીક્ષમાં રૂચી ધરાવે છે વનીજા 

બાળપણથી જ અંતરીક્ષમાં રૂચી ધરાવતી વનીજા રૂપાણીએ નાસાના પહેલાં મંગળ ગ્રહમાં મોકલવામાં આવનાર હેલિકોપ્ટરને નામ આપી ઈતિહાસ રચી દીધો છે. વનીજા અમેરિકાની અલ્બામામાં આવેલ એક જુનિયર હાઈસ્કૂલની વિદ્યાર્થીની છે. નોંધનીય છે કે રૂપાણીએ નાસાની નિબંધ સ્પર્ધામાં ભાગ લીધો હતો જે બાદ હવે તેમને હેલિકોપ્ટરનું નામકરણ કરવાનું બહુમાન મળ્યું છે. 

Our Mars helicopter has a new name! Meet: Ingenuity.

Student Vaneeza Rupani came up with the name during our “name the rover” contest. Ingenuity will ride to the Red Planet with @NASAPersevere to attempt the first powered flight on another world: https://t.co/4bGj3morKP pic.twitter.com/2ZyIm4sQRQ

— NASA (@NASA) April 29, 2020

વનીજાની માતાએ જણાવ્યું કે તે ખૂબ નાની હતી ત્યારથી વનીજાને અંતરીક્ષની દુનિયામાં ખૂબ રસ હતો.અને જેમ જેમ તે મોટી થઇ ગઈ અંતરીક્ષમાં તેની રૂચી વધતી ગઈ. 

અમેરિકાના હજારો વિધાર્થીઓએ સ્પર્ધામાં ભાગ લીધો હતો 

નાસા તરફથી એક નિબંધ સ્પર્ધાનું આયોજન કરવામાં આવ્યું હતું. 17 વર્ષની ઉંમરે વનીજાએ આ સ્પર્ધામાં ભાગ લીધો આ મામલે હવે નાસાએ જાહેરાત કરી છે. નોંધનીય છે કે આ સ્પર્ધામાં અમેરિકાના લગભગ બધા જ રાજ્યોના વિદ્યાર્થીઓએ ભાગ લીધો હતો. સ્પર્ધામાં આશરે 28 હજાર નિબંધ આવ્યા હતા અને તેમાંથી વનીજાના નિબંધને પસંદ કરવામાં આવ્યો જે તેમના માટે એક સ્વપ્નથી ઓછું નથી. 

નોંધનીય છે કે નાસા તરફથી આ હેલિકોપ્ટર મંગળ ગ્રહ પર મોકલવામાં આવશે. આ હેલિકોપ્ટરના નામકરણની જાણકારી ખુદ નાસાએ જ આપી. આ હેલિકોપ્ટરને નામ આપવામાં આવ્યું છે ઈન્જુનીઈટી. વનીજા રૂપાણીએ નેમ ધ રોવર પ્રતિયોગીતા દરમિયાન હેલિકોપ્ટરને આ નામ આપ્યું છે.