VIDEO / વંદે ભારત એક્સપ્રેસે બનાવ્યો સ્પીડનો રેકૉર્ડ, બેલેન્સ એવું કે જોઈને લાગશે જપાનની ટ્રેન છે કે શું!!

• વંદે ભારત એક્સપ્રેસે ટ્રેનની સ્પીડનો નવો રેકોર્ડ 
• ટ્રાયલ રનમાં આ ટ્રેન 180 કિલોમીટર પ્રતી કલાકની ઝડપે દોડી
• આવતી 15 ઓગસ્ટ સુધી 75 નવી વંદે ભારત ટ્રેન

વંદે ભારત એક્સપ્રેસે ટ્રેનની સ્પીડ કે ઝડપનો એક નવો રેકોર્ડ બનાવ્યો છે. ટ્રાયલ રનમાં આ ટ્રેન 180 કિલોમીટર પ્રતી કલાકની ઝડપે દોડી હતી. રેલ મંત્રી અશ્વિની વૈષ્ણવ એ પોતે ટ્વિટ કરીને આ વાતની જાણકારી આપી છે. એમને લખ્યું હતું કે વંદે ભારત -2 નું સ્પીડ ટ્રાયલ કોટા-નાગદા સેકશન વચ્ચે 120/130/150 અને 180 કિલોમીટર પ્રતી કલાકની ઝડપે થયું હતું. 

વંદે ભારત -2 નું સ્પીડ ટ્રાયલ
વંદે ભારત -2 નું સ્પીડ ટ્રાયલ કોટા-નાગદા રેલવે સેકશન વચ્ચે અલગ અલગ સ્પીડ પર થયું હતું. રિસર્ચ, ડિઝાઇન અને સ્ટેન્ડર્ડ ઓર્ગેનાઈઝેશનની દેખરેખ હેઠળ આ ટ્રેનનું ટ્રાયલ કરવામાં આવ્યું હતું. 16 કોચ સાથે વંદે ભારત એક્સપ્રેસ ટ્રેન 180 કિલોમીટર પ્રતી કલાકની ઝડપે દોડી હતી. આ ટ્રેનના વિવિધ તબક્કાનું ટ્રાયલ કોટા ડિવિઝનમાં કરવામાં આવ્યા હતા. 

#VandeBharat-2 speed trial started between Kota-Nagda section at 120/130/150 & 180 Kmph. pic.twitter.com/sPXKJVu7SI

— Ashwini Vaishnaw (@AshwiniVaishnaw) August 26, 2022

180 કિલોમીટર પ્રતી કલાક
ટ્રાયલ રન દરમિયાન અલગ અલગ જગ્યાઓ પર વંદે ભારત એક્સપ્રેસ ટ્રેનની સ્પીડ 180 કિલોમીટર પ્રતી કલાકની રહી હતી. તમને જણાવી દઈએ કે પૂરી રીતે દેશમાં બનેલ આ ટ્રેન એક સેમી હાઇસ્પીડ ટ્રેન છે. તેમાં ઓટોમેટિક દરવાજા અને એસી એર કન્ડિશનર પણ  ચેર કાર પણ છે. તેની ખુરશીઓ 180 ડિગ્રી સુધી ફરે છે. તમને જણાવી દઈએ કે વંદે ભારત એક્સપ્રેસ 200 કિલોમીટર પ્રતિ કલાકની સ્પીડ સુધી ચાલી શકે છે. સાથે જ આ ટ્રેનમાં એક ખાસ પ્રકારની બ્રેકિંગ સિસ્ટમ લગાવવામાં આવી છે જેના દ્વારા પાવરનો વપરાશ ઓછો થાય છે. ટ્રેનમાં મોટા ભાગના સાધનો અને ઉપકરણોને ટ્રેનના નીચેના ભાગમાં લગાવવામાં આવ્યા છે અને તેને કારણે જ મુસાફરોને કેબિનની અંદર વધુ જગ્યા મળી રહેશે. 

Superior ride quality.
Look at the glass. Stable at 180 kmph speed.#VandeBharat-2 pic.twitter.com/uYdHhCrDpy

— Ashwini Vaishnaw (@AshwiniVaishnaw) August 26, 2022

આવતી 15 ઓગસ્ટ સુધી 75 નવી વંદે ભારત ટ્રેન
રેલવે અનુસાર આ ટ્રાયલ રન પૂરું થયા પછી તેનો રિપોર્ટ રેલવે સેફ્ટી કમિશનરને મોકલવામાં આવશે. પરવાનગી મળ્યા પછી જ તેને નવા રૂટ પર લગાવવામાં આવશે. સૂત્રોના જણાવ્યા મુજબ નવી વંદે ભારત એક્સપ્રેસ અમદાવાદ-મુંબઈ વચ્ચે શરૂ થઈ શકે છે. ભારતીય રેલવે એ આવતા વર્ષે 15 ઓગસ્ટ સુધી 75 નવી વંદે ભારત ટ્રેન બનાવવાની યોજના બનાવી છે. રેલવે દર મહિને 6-7 ટ્રેન બનાવવાનો ટાર્ગેટ બનાવ્યો છે અને રેલવે મંત્રી અશ્વિની વૈષ્ણવ પોતે આ પ્રોજેક્ટ પર નજર રાખી રહ્યા છે.