Vande Bharat Train / દેશમાં પ્રથમ વાર અમદાવાદ-મુંબઇ વચ્ચે દોડશે 20 કોચની વંદે ભારત ટ્રેન, આવતીકાલે ટ્રાયલ

Vande Bharat Train : વંદે ભારત ટ્રેનને લઈ સૌથી મોટી અપડેટ સામે આવી છે. વાસ્તવમાં હવે દેશમાં પહેલી વાર 20 કોચની વંદે ભારત ટ્રેન દોડશે. હાલ અમદાવાદ મુંબઇ વચ્ચે 16 કોચની 2 વંદે ભારત ટ્રેન દોડી રહી છે. બંને ટ્રેનો 100 ટકા પેસેન્જર સાથે અવર જવર કરી રહી છે. જેને ધ્યાને રાખી 20 કોચની વંદે ભારત ટ્રેન દોડાવાની તૈયારી શરૂ કરવામાં આવી છે. જેથી હવે 16 કોચની જગ્યાએ 20 કોચની વંદે ભારત ટ્રેનને દોડાવવામાં આવશે.

વધુ વાંચો : ગુજરાતનો વધુ એક ઉદ્યોગ મંદીના કારણે પડી ભાંગ્યો, 6 લાખ કારીગરો બન્યા બેરોજગાર

દેશમાં પહેલી વાર 20 કોચની વંદે ભારત ટ્રેન દોડશે. જે અંતર્ગત 130 કિલોમીટરની ઝડપે ટ્રેન દોડાવી ટ્રાયલ કરાશે.મહત્વનું છે કે, 130 કિલોમીટરની ઝડપે દોડી શકે તે રીતે આ વંદે ભારત ટ્રેનને હાલ તૈયાર કરવામાં આવી છે. ટ્રાયલ દરમિયાન કોઈ પેસેન્જર અંદર બેસાડવામાં આવશે નહીં. આ ટ્રેનની સુરક્ષા માટે 24 કલાક RPF જવાન તૈનાત કરવામાં આવશે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ