લાચારી / આ ગુજરાતી એક્ટરના પત્ની રાખડી વેચવા થયા મજબૂર, આ રીતે કરે છે કમાણી

• વિપુલ વિઠલાણીના પત્ની રાખડી વેચવા લાચાર
• પેમેન્ટ ન મળી રહ્યું હોવાથી કરે છે આ કામ
• જાતે જ બનાવે છે ક્રિએટીવ રાખડી

મળતી માહિતી અનુસાર એક્ટ્રેસ રાખડી બનાવીને વેચવા માટે મજબૂર થયા છે. એક રિપોર્ટ પ્રમાણે હમારી બહૂ સિલ્ક સિરીયલમાં જાનકી જોશીનું પાત્ર ભજવનાર વંદના હાલ રાખડી બનાવીને વેચી રહ્યાં છે. વંદનાએ કહ્યું કે, હાલ પેમેન્ટ નથી મળી રહ્યા અને જેટલી પણ બચત હતી એ બધી ખતમ થઇ જવા આવી છે. આ ને વર્ક ફેઝમાં આ કામ કરવા માટે તેઓ લાચાર થયા છે. 

વંદનાએ વધુમાં જણાવ્યું કે, તેમણે મેથી લઇને ઓક્ટોબર 2019 સુધી શૂટિંગ કર્યુ હતુ, પરંતુ પેમેન્ટ મે સુધીનું જ મળ્યુ છે. આ વાતને એક વર્ષથી ઉપર થઇ ગયુ છે. તેમને મુસ્કાનમાં પણ એક રોલ મળ્યો હતો પરંતુ તે શૉ બે મહિનાની અંદર જ બંધ થઇ ગયો હતો. એ શૉનું પેમેન્ટ મળ્યુ હતુ પરંતુ તે ક્યાં સુધી ચાલે, તેમની સેવિંગ પણ પૂરી થઇ ગઇ છે. 

વંદના હવે રાખડી બનાવીને ઓનલાઇન વેચી રહ્યાં છે. આ કામથી તે વધુ તો નથી કમાઇ શકતા પરંતુ થોડી ઘણી કમાણી થઇ જાય છે. તેમણે ઘણી જગ્યાએ ઓડિશન્સ આપ્યા છે પરંતુ ક્યાંયથી કોઇ જવાબ આવ્યો નથી. હવે આ નો વર્ક ફેઝ ક્યાં સુધી ચાલે છે તે પણ જોવાનું રહેશે. 

તમને જણાવી દઇએ કે, વંદના વિઠલાણી ગુજરાતી થિયેટર કલાકાર વિપુલ વિઠલાણીના પત્ની છે. બંને તેમના પરિવાર સાથે મુંબઇમાં રહે  છે અને વિપુલ વિઠલાણી પણ હિન્દી સિરીયલ્સમાં કામ કરી ચૂક્યા છે.