વલસાડ વાપીમાં માનવતાને શર્મશાર કરતો કિસ્સો આવ્યો સામે, 21 ફસ્ટ હોસ્પિટલમાં મૃતકના પરિવારે બીલ ચૂકવવા સમય માગ્યો તો, હોસ્પિટલ કાર કરી લીધી જપ્ત
મહામારીમાં હોસ્પિટલ ભુલી માનવતા
લોકોની મજબૂરીનો ફાયદો કેમ ઉઠાવો છો?
બિલ નહી આપો તો મૃતદેહ નહી મળે !
વાપીની 21 ફસ્ટ હોસ્પિટલોમાં સારવાર દરમિયાન એક દર્દીનું મૃત્યુ થયું હતું. મૃત્યુ બાદ દર્દીના મૃતદેહને સોંપવાની જગ્યાએ પહેલા બીલના નાણા ચૂકવવામાં કહ્યું હતું. પરંતુ મૃતકના પરિવારે હોસ્પિટલ પાસે બીલ ભરવા માટે થોડો સમય માગ્યો હતો. જેને લઈ હોસ્પિટલે મૃતદેહ આપવાની ના પાડી દીધી હતી. આટલાથી પૂરું ન થયું તો, પરિવાર તાત્કાલિક નાણા ભરી ન શક્યા. અને હોસ્પિટલે તેમની કાર કબજે કરી લીધી હતી.
આથી મોટી બેદરકારી પણ બીજી એ સામે આવી છે. જ્યારે હોસ્પિટલમાં એક દર્દીની સારવાર ચાલી રહી હતી. તેને કોરોના હોવાની આશંકાના પગલે સારવાર ચાલી રહી હતી. અને જ્યારે તેનું મૃત્યુ થયું તો, તેનો મૃતદેહ પરિવારને સોંપી દેવામાં આવ્યો હતો. જ્યારે પ્રોટોકોલ પ્રમાણે કોરોના સંક્રમણના કારણે મૃત્યુ પામનારા લોકોના અંતિમ સંસ્કાર માટે કોરોના પ્રોટોકોલ અનુસાર ચાલવુ પડે છે. જો કે, હોસ્પિટલના સંચાલકે પણ પોતાની વાત રજૂ કરી અને લૂલો બચાવ કર્યો હતો. પરંતુ હકિકત સામે આવ્યા પછી બચાવ કામ આવતો નથી.
વલસાડની શું છે પરિસ્થિતિ
વલસાડની સિવિલ હોસ્પિટલ દર્દીઓથી હાઉસફૂલ છે. આ સિવિલ હોસ્પિટલ બહાર પણ અમદાવાદ સિવિલની જેમ એમ્બ્યુલન્સની લાંબી લાઇન થઇ છે. 10થી વધુ એમ્બ્યુલન્સમાં દર્દીઓ સારવાર માટે વેઇટિંગમાં છે. એમ્બ્યુલન્સમાં જ દર્દીઓને સારવાર અપાઇ રહી છે. આ હોસ્પિટલની લોબીમાં પણ દર્દીઓને સારવાર અપાઇ રહી છે. વલસાડ સિવિલ હોસ્પિટલમાં પણ કરૂણ દ્રશ્યો સર્જાયા છે.