વલસાડ / વાડીલાલ કંપનીમાં આરોગ્ય વિભાગના દરોડા, સેમ્પલ લઇ તપાસ શરૂ 

દેશમાં જાણીતી આઇસ્ક્રીમ કંપની વાડીલાલનો આઈસ્ક્રીમ પોતાના ટેસ્ટ માટે જાણીતો છે, પરંતુ વલસાડના ધરમપુર ખાતે આવેલી વાડીલાલ કંપનીમાં ફૂડ એન્ડ ડ્રગ્સ દ્વારા અચાનક દરોડા પાડતા પોલંપોલ બહાર આવી છે. 

કેરીનો રસ બનાવતી વાડીલાલ કંપનીમાં ચેકિંગ દરમિયાન મોટા પ્રમાણમાં સડેલી કેરીઓ મળી આવી અને મોટા પ્રમાણમાં ગંદકી પણ જોવા મળી હતી. ધરમપુરના ફૂડ એન્ડ ડ્રગ્સ  વિભાગ અને મામલતદારે આ વાડીલાલ કંપનીમાં ફાયરને લઈને ચેકિંગ હાથ ધર્યું હતું. તો ફાયર સેફટીમાં પણ આ કંપનીમાં મોટી ચૂક જોવા મળી હતી. તો રસ માટે જે કેરી વપરાતી હતી તેમાં પણ અનેક સડેલી કેરી જોવા મળી હતી. ત્યારે ફૂડ એન્ડ ડ્રગ્સ વિભાગે સેમ્પલ લઇ તપાસ શરૂ કરી છે.