વલસાડ: જિલ્લાના તિથલ દરીયામાં બે મહિલાઓ ડૂબી હોવાની ઘટના આજરોજ બનવા પામી હતી. કચી ગામની બે મહિલાઓ દરિયામાં ન્હાવા આવી હતી. જોકે તે દરમિયાન દરિયાની અંદર મોટી ભરતી આવાથી મહિલાઓ ડૂબી હતી.
મહિલાઓ દરિયામાં ઉછળી રહેલા તોતિંગ મોજામાં ફસાતા ભારે જહેમત બાદ 108ની ટીમ અને સ્થાનિક લોકો દ્વારા બચાવાઈ હતી. બંને મહિલાઓને હોસ્પિટલ ખસેડાઈ હતા. જયારે આ બે મહિલાઓ ડૂબી રહી હતી ત્યારે દરિયાકિનારા પર ફરવા આવેલા કેટલાક લોકો ડૂબી રહેલી મહિલાને બચાવવાને બદલે મોબાઈલમાં વીડિયોગ્રાફી કરવામાં વ્યસ્ત હતા.
ઉલ્લેખનીય છે કે તીથલનો દરિયાકાંઠે મોટા પાયે પ્રવાસીઓ આવતા હોય છે. આ સ્થળે પ્રવાસીઓ આનંદ અને મોજ મજા કરવા માટે આવતા હોય છે. ત્યારે ખાસ કરીને રવિવાર હોવાથી વિશેષમાં લોકો ઉમટી પડ્યા હતા અને પાણીમાં ન્હાવાની અદ્દભુત મજા લઇ રહ્યા હતા ત્યારે એક અઘટિત બનાવ બનવા પામ્યો હતો.
મહત્વનું છે કે હવે આગામી સમયમાં જ ચોમાસુ આવવાની શરૂઆત થઇ ગઇ છે ત્યારે દરિયાળામાં જોરશોરથી મોજાંઓ ઉછળતા હોય છે ત્યારે અચાનક જ દરિયાકિનારે છબછબીયા કરી રહેલી આ 2 મહિલાઓ એકાએક જ જોરથી મોજું આવી જતાં તે બંને મહિલાઓ અચાનક જ મોજામાં ખેંચાઇ ગઇ હતી પરંતુ અચાનક જ બંને મહિલાઓને ત્યાનાં સ્થાનિક લોકો અને 108ની ટીમ દ્વારા તે બંને મહિલાઓને બચાવી લેવાઇ હતી. ત્યારે આ સમગ્ર ઘટના મોબાઈલ કેમેરામાં પણ કેદ કરાઇ હતી.