વલસાડ: ગર્લ્સ હોસ્ટેલમાં રોમિયોના અભદ્ર ફોનકોલ્સથી વિદ્યાર્થીનીઓ પરેશાન

વલસાડની એક કોલેજ હોસ્ટેલની વિદ્યાર્થીનીઓમાં એક અજાણ્યા રોમિયોના ફોનને લઈને ભયનો માહોલ છવાયો છે. કોલેજ હોસ્ટેલમાં 130થી પણ વધુ વિદ્યાર્થીનીઓનેમાંથી મોટાભાગની વિદ્યાર્થીનીઓને ગમે ત્યારે ફોન કરી આ રોમિયો કોલર અસ્લીલ અને બીભત્સ ભાષામાં વાત કરી ગંભીર ધમકીઓ પણ આપી રહ્યો છે.

છેલ્લા કેટલાક સમયથી ચાલતો આ સિલસિલો હજુ પણ અટકયો નથી. હોસ્ટેલની મોટાભાગની વિદ્યાર્થીનીઓ આ રોમિયોના કોલના ભયથી થથરી રહી છે. આખરે કોલેજ સત્તાવાળાઓને જાણ કરતા હજુ સુધી પોલીસને માત્ર મૌખિક જાણ કરી સંતોષ માની રહ્યા છે પરંતુ લેખિતમાં હજુ સુધી પોલીસ ફરિયાદ નહીં થતાં વિદ્યાર્થીનીઓ હજુ પણ ભયના માહોલમાં જીવી રહી છે. 

વલસાડની BKM સાયન્સ કોલેજની ગર્લ્સ હોસ્ટેલમાં 130 વધુ વિદ્યાર્થીનીઓ ઘરથી દુર રહીને અભ્યાસ કરે છે. જોકે કેટલાક સમયથી આ હોસ્ટેલની વિદ્યાર્થીનીઓમાં એક અજાણ્યા વ્યક્તિના ફોન કોલને લઈ ભયનો માહોલ છવાયો છે. છેલ્લા કેટલાક મહિનાથી શરૂ થયેલો આ સિલસિલો હજુ પણ અટકયો નથી. શરૂઆતમાં આ રોમિયો હોસ્ટેલની મોટાભાગની વિદ્યાર્થીનીઓને મેસેજ કરી અને અશ્લીલ વાતો અને અભદ્ર ભાષાનો ઉપયોગ કરી ધમકી પણ આપતો હતો.

સાથે વિદ્યાર્થીનીઓને બ્લેકમેંલિંગ કરવાની પણ ખુલ્લેઆમ ધમકી આપી રહ્યો હોવાથી આ વ્યક્તિના ફોન કોલના કારણે વિદ્યાર્થીનીઓમાં ભય વ્યાપી ગયો છે. છેલ્લા કેટલાક સમયથી આ હોસ્ટેલની મોટાભાગની વિદ્યાર્થીનીઓને આ કડવો અનુભવ થઈ રહ્યો છે.

દિવસ અને રાત્રે ગમે ત્યારે કોઈ પણ વિદ્યાર્થીનીને ફોન કરી અને તેમની સાથે અશ્લીલ માંગ કરી અભદ્ર ભાષાનો ઉપયોગ કરી અને તેમને ધાક ધમકી પણ આપી રહ્યો હોવાની વાત બહાર આવી છે. કેટલીક વિદ્યાર્થીનીઓને તે ઉચ્ચ પોલીસ અધિકારીનો ભત્રીજો હોવાની પણ ધમકી આપી અને તેમને બ્લેકમેઈલ કરવાની પણ ધમકી આપે છે. આ સમસ્યા અંગે વિદ્યાર્થીનીઓએ હોસ્ટેલના રેકટરને પણ રજુઆત કરી છે.

લાંબા સમયથી ફોન કોલ કરી અને પરેશાન કરતા આ રોમિયો કોલરને પાઠ ભણવા માટે પોલીસ કે કોલેજના સત્તાવાળા યોગ્ય પગલા લે તેવી વિદ્યાર્થીનીઓ માંગ કરી રહી છે. ચોંકાવનારી વાત એ છે કે આ રોમિયો ફોનના આ ભયથી માત્ર વિદ્યાર્થીનીઓ જ પરેશાન નથી. તેઓની પાસે અશ્લીલ ભાષામાં વાત કરી અભદ્ર માંગ પર કરે છે અને વીડિયો વાઇરલ કરી અને તે તેઓને બ્લેકમેલિંગ કરવાના પ્રયાસ થઇ રહ્યા છે.

ત્યારે ઘરથી દૂર રહી આ હોસ્ટેલમાં રહી અભ્યાસ કરતી વિદ્યાર્થીનીઓની સુરક્ષા જોખમમાં હોય તેવું લાગી રહ્યું છે પરંતુ હોસ્ટેલના મહિલા રેકટરને પણ આ વ્યક્તિ ફોન કરી અને અભદ્ર અને અશ્લીલ ભાષામાં વાત કરી ધાક ધમકી પણ આપી રહ્યો છે. આથી અને પાઠ ભણાવવામાં આવે તેવી હોસ્ટેલના મહિલા રેક્ટર પણ માંગ કરી રહ્યા છે.

આમ છેલ્લા લાંબા સમયથી ચાલતો આ સિલસિલો હજુ પણ યથાવત છે. ફોન કરનાર વ્યક્તિ પોતે ઉચ્ચ અધિકારીઓના સગા-સંબંધી અને ભત્રીજા હોવાની શેખી મારીને વિદ્યાર્થીનીઓને ડરાવી-ધમકાવવાનો પ્રયાસ કરે છે. આથી આ બાબતને ગંભીરતાથી લઈ પોલીસમાં લેખિત ફરિયાદ કરવા કરે તેવી લોક માંગ ઉઠી રહી છે. 

1 ક્લિક પર જોડાવો VTV ના સોશિયલ એકાઉન્ટ્સ સાથે...