દેશપ્રેમ / વલસાડમાં 26મી જાન્યુઆરીની પરેડમાં સામેલ ન કરતા વિદ્યાર્થીનીઓ ધ્રુસકેને ધ્રુસકે રોઈ પડી

• વિદ્યાર્થિનીઓનો રડવાનો વીડિયો થયો વાયરલ
• વીડિયો જોયા બાદ જિલ્લા પોલીસ વડાએ વિદ્યાર્થિનીઓને પરેડમાં કરી સામેલ
• વલસાડ આવાબાઇ સ્કુલની ઘટનાનો વીડિયો

દેશપ્રેમની વાત આવે ત્યારે યુવાનો અને વિદ્યાર્થીઓમાં દેશદાઝની લાગણી વયસ્કો કરતા વધુ જોવા મળે છે આવી જ એક ઘટનાનો વીડિયો હાલ સોશિયલ મીડિયામાં ધૂમ મચાવી રહ્યો છે વાત 26મી જાન્યુઆરીની પરેડની છે. વિદ્યાર્થીનીઓને પરેડમાં સામેલ ન કરતા તેમને હાડોહાડ લાગી આવ્યું હતુ અને રડી પડી હતી. 

વલસાડની આવાબાઈ સ્કૂલનો વીડિયો

વલસાડની આવાબાઈ સ્કૂલ દ્રારા 26મી જાન્યુઆરીની પરેડ યોજાવાની છે.  જો કે પ્રેકટિસ કરાવ્યાં બાદ આખરે ફાઇનલ પ્રેક્ટિસમાં વિદ્યાર્થિનીઓ પરેડમાંથી દૂર કરી દેવાઈ હતી. આ કારણથી વિદ્યાર્થિનીઓ રડવા લાગી હતી.  વિદ્યાર્થિનીઓ  ગ્રાઉન્ડ પર જ ધ્રુસકેૃ- ધ્રૂસકે રડી પડી હતી. વિદ્યાર્થિનીઓ  રૂદનનો વીડિયો વાયરલ થયો છે. જો કે  વિદ્યાર્થિઓના રૂદનનો વીડિયો જોઈને જિલ્લા પોલીસ વડાએ વિદ્યાર્થિનીઓને પરેડમાં સામેલ કરી લીધી હતી.