કાર્યવાહી / વલસાડની સિંગર વૈશાલી હત્યા કેસમાં ચોંકાવનારા ખુલાસા: કોણ છે મર્ડરની માસ્ટર માઈન્ડ? શું છે કારણ? જાણો વિગત

• વલસાડની  સિંગર વૈશાલીની હત્યા કેસમાં ખુલાસો
• વૈશાલીની મહિલા મિત્રએ જ કરી હત્યા
• ઉછીના લીધેલા રૂપિયા પરત ન આપવા પડે માટે કરી હતી હત્યા

વલસાડની જાણીતી સિંગર વૈશાલી બલસારાની  હત્યાનું કોકડું આખરે ઉકેલાયું છે. વલસાડ જિલ્લા પોલીસ હત્યા કેસના મૂળ સુધી પહોંચવામાં સફળતા મળી છે. આ હત્યા કેસમાં મોટો ખુલાસો થયો છે. જેમાં મિત્ર બબીતાએ જ  સોપારી આપી હત્યાને અંજામ આપ્યો હોવાનું ખૂલ્યું છે. જેને લઇને  વૈશાલીની એક મિત્ર બબીતાની ધરપકડ કરી છે. ત્યારબાદ પોલીસ તપાસ દરમિયાન પૈસાની લેતીદેતીમાં વૈશાલી બલસારાને મોતને ઘાટ ઉતારી દેવામાં આવી હોવાનું સામે આવ્યું છે.

રૂપિયાની લેતી-દેતીમાં હત્યા
વલસાડના પારડી નજીકથી પસાર થતી પાર નદી કિનારેથી ગઈ 28મી ઓગસ્ટના રોજ વલસાડની જાણીતી સિંગર વૈશાલી બલસારાની શંકાસ્પદ  હાલતમાં બંધ કારમાંથી મૃતદેહ મળી આવ્યો હતો. બનાવની જાણ થતાં જ વલસાડ જિલ્લા પોલીસવડા સહિત જિલ્લાના તમામ ઉચ્ચ પોલીસ અધિકારીઓનો કાફલો સ્થળ પર પહોંચી અને તપાસ હાથ ધરી હતી. પોલીસે વૈશાલી બલસારાની હત્યાનું રહસ્ય ઉકેલવા 6 ટીમો બનાવી હતી. જે વિવિધ દિશામાં તપાસ કરી હતી. જેમાં ચોંકાવનારો ખુલાસો થયો  છે અને ગળું દબાવીને  વૈશાલીની હત્યા હત્યા કરાઇ હોવાનું બહાર  આવ્યું છે. જો કે વૈશાલીના શરીર પર કોઈ જગ્યાએ ઇજા કે પ્રતિકારના કોઈ નિશાન પણ જોવા નહીં મળ્યા હોવાથી પોલીસ પણ મૂંઝવણમાં મુકાઇ હતી. આરોપીઓ  સુધી પહોંચવા પોલીસે વલસાડ શહેર અને આસપાસના વિસ્તારના 1000થી વધુ સીસીટીવી ફૂટેજ પણ તપસ્યા હતા.  આખરે વૈશાલી બલસારાની હત્યાના રહસ્ય પરથી પડદો ઉચકવામાં સફળતા મળી છે પોલીસે વૈશાલીની હત્યાની માસ્ટર માઈન્ડ મૃતક વૈશાલીની જ નજીકની મિત્ર બબીતાની ધરપકડ કરી તેના વિરુદ્ધ કાયદેસરની કાર્યવાહી હાથ ધરી છે. કોન્ટ્રાક્ટ કિલર 2 આરોપીઓ હજુ પોલીસ પહોંચ થી દૂર છે. 

25 લાખ રૂપિયા ઉછીના આપનાર મિત્ર વૈશાલીનો જ કાંટો કાઢી નાખ્યો
પોલીસની તપાસમાં બહાર આવ્યું છે કે મૃતક વૈશાલી અને મુખ્ય આરોપી બબીતા કૌશિકની દુકાનો બાજુમાં હતી. આથી બંને વચ્ચે એક વર્ષથી મિત્રતા બંધાઈ  હતી. મિત્રતા દરમિયાન બબીતાએ અવારનવાર વૈશાલી પાસેથી રૂપિયા 25 લાખ રૂપિયા ઉછીના લીધા હતા. જોકે વાયદા પ્રમાણે સમયસર બબીતા એ પૈસા પરત ન કર્યા હોવાથી વૈશાલી દ્વારા અવારનવાર તેને આપેલા 25 લાખ રૂપિયાની ઉઘરાણીમાં કરવામાં આવી રહી હતી. આ રૂપિયા પરતના આપવા પડે તે માટે મુશ્કેલીમાં મદદ કરી 25 લાખ રૂપિયા ઉછીના આપનાર મિત્ર વૈશાલીનો જ કાંટો કાઢી નાખવાનું પ્લાન કર્યો ત્યાંરબાદ વૈશાલીને પૈસા લેવા  માટે વલસાડના વશીયાર નજીક આવેલા ડાયમંડ ફેક્ટરી પાસે સાંજના સમયે બોલાવી હતી. જ્યાં અગાઉથી જ બબીતાની સાથે રહેલા બે અજાણ વ્યક્તિઓ તેના નજીકના સ્વજન હોવાનું કહી વૈશાલીની કારમાં બેસાડ્યા હતા. ત્યારબાદ બબીતાની સાથે રહેલા શખ્સોએ વૈશાલીને કારમાં જ ક્લોરોફોર્મ સુંગાવી અને બેહોશ કરી દીધી હતી અને ત્યારબાદ તેની ગળું દબાવી અને  મોતને ઘાટ ઉતારી દીધી હતી.

સોશિયલ મીડિયા થકી બબિતાએ કોન્ટ્રાક્ટ કિલરોનો કર્યો હતો સંપર્ક 
બબીતાએ વૈશાલીની હત્યા માટે બહારના રાજ્યના એક પ્રોફેશનલ કિલર ગેંગનો સંપર્ક કર્યો હતો. સોશિયલ મીડિયાના માધ્યમથી મિત્ર બનેલા કોન્ટ્રાક્ટ કિલ્લરોને બબીતાએ વૈશાલીની હત્યા માટે 8 લાખ રૂપિયાની સોપારી આપી હતી. શરૂઆતમાં દસ લાખ રૂપિયાની માંગ કરવામાં આવી હતી. પરંતુ 8 લાખ રૂપિયામાં  ડીલ થઈ હતી. જોકે બબીતા બબીતા એ  વૈશાલીયે ઉછીના આપેલા 25 લાખમાંથી આઠ લાખ રૂપિયા હત્યારાઓને  આપી અને વૈશાલીને તેના જ પૈસાથી હત્યા કરાવી તેનો કાંટો કઢાવી નાખ્યો  હોવાનું પોલીસની તપાસમાં ચોકાવનારો ખુલાસો થયો છે.