રાજ્યમાં આજે વહેલી સવારે ફરી એકવાર અકસ્માતને લઇને દુઃખદ સમાચાર સામે આવી રહ્યાં છે. જેમાં વલસાડ નજીક હાઇવ 48 પર બેંગ્લોર જતી ખાનગી બસ અને ટ્રક વચ્ચે અકસ્માત જોવા મળ્યો છે. જેમાં 15થી વધુ મુસાફરો ઇજાગ્રસ્ત થયા છે. હાલમાં તેઓને સારવાર અર્થે ખસેડવામાં આવ્યાં છે.
પ્રાપ્ત મળતી વિગત અનુસાર વલસાડ 48 હાઇવે પર બેંગ્લોર જતી ખાનગી બસ અને ટ્રક વચ્ચે ગમખ્વાર અકસ્માત સર્જાયો છે. જેમાં અંદાજે 15થી વધુ લોકોને ઇજા પહોંચી છે, જ્યારે હજુ સુધી કોઇ જાનહાનીના અહેવાલ પ્રાપ્ત થયા નથી. જો કે આ તમામ ઇજાગ્રસ્તોને હાલ સારવાર માટે હોસ્પિટલમાં ખસેડવામાં આવ્યાં છે.
અકસ્માતને લઇને મળતી પ્રાથમિક જાણકારી મુજબ ટ્રક ચાલકને ઝોકું આવી જતા બેકાબુ બનેલી ટ્રક ડીવાઇડર કુદી સામેની ટ્રેક પર આવી રહેલી ખાનગી બસ સાથે ધડાકાભેર અથડાતા અકસ્માત સર્જાયો છે. અકસ્માતની જાણ થતાં પોલીસ ઘટનાસ્થળે પહોંચી ગઇ હતી.
વલસાડના 48 નંબરના હાઇ વે પર સર્જાયેલા અકસ્માતના પગેલ રોડ પર અફરાતફરીનો માહોલ સર્જાયો હતો. જો કે આ અકસ્માતમાં બસ અને ટ્રકના ડ્રાઇવરની હાલત ગંભીર હોવાનું સામે આવ્યું છે.