રાજ્ય સહિત સમગ્ર દેશમાં મહિલાઓ અને બાળકોની સુરક્ષા માટે કડક કાયદા હોવા છતાં પણ મહિલાઓ અને બાળકીઓ પર થતી દુષ્કર્મની ઘટનાઓ બની રહી છે. વલસાડના ગ્રીન પાર્કમાં પણ સ્કૂલથી પરત ફરતી એક 11 વર્ષની વિદ્યાર્થીની પર દુષ્કર્મની ફરિયાદ દાખલ કરતા ચકચાર મચી ગઈ હતી.
વલસાડના ગ્રીનપર્ક વિસ્તારમાં રહેતી અને વલસાડની એક સ્કૂલમાં અભ્યાસ કરતી 11 વર્ષની એક વિદ્યાર્થીની સ્કૂલથી ઘરે પરત ફરી હતી. તે વખતે જ રસ્તામાં એક નરાધમ યુવકે વિદ્યાર્થીને બાજુની વાડીમાં લઈ જઈ તેના પર દુષ્કર્મ આચર્યું હતું. જોકે આ વખતે પીડિતાની માતા જોઈ જતા આરોપી ફરાર થઈ ગયો હતો.
ત્યારબાદ આ મામલો પોલીસ સ્ટેશન સુધી પહોંચ્યો હતો. વલસાડ સીટી પોલીસ સ્ટેશનમાં પીડિત બાળકીએ દુષ્કર્મની ફરિયાદ દાખલ કરાવતા વલસાડ સીટી પોલીસે ગણતરીના સમયમાં જ આરોપીની ધરપકડ કરી ઊંડાણપૂર્વક તપાસ હાથ ધરી હતી.
પ્રાથમિક તપાસમાં યુવકનું નામ હાર્દિક હોવાનું બહાર આવ્યું હતું. આરોપી હાર્દિક પીડિતાના પડોશ માંજ રહેતો હતો. આમ બાળકી પર દુષ્કર્મના ગુનામાં પોલીસે આરોપી વિરુદ્ધ પોક્સોની પણ કલમ લગાવી કડક કાર્યવાહી હાથ ધરી હતી.
આ પહેલા પણ કર્યું હતું દુષ્કર્મ
હાર્દિકને પીડિતાની માતા જોઈ જતા તે ફરાર થઇ ગયો હતો. પીડિતાને તેની માતાએ પૂછતાં તેને હાર્દિકે મારી નાખવાની ધમકી આપી હોવાનું જણાવ્યું હતું. આ પહેલા પણ એક વખત હાર્દિકે તેનું ઘર તોડાવી નાખવાની ધમકી આપી હતી. પીડિતાએ આ જ વાડીની ઝાડીમાં તેની સાથે દુષ્કર્મ કર્યું હોવાનું તેની માતાને જણાવ્યું હતું. પીડિતાના પિતા મજૂરીકામ કરી ઘરે આવતા તેની સાથે વાત કરી સીટી પોલીસ મથકે વર્ષાની માતાએ ફરિયાદ નોંધાવી હતી. ત્યારબાદ ગણતરીની કલાકોમાં પોલીસે હાર્દિકની ધરપકડ કરી લીધી હતી. વધુ તપાસ હાથ ધરવામાં આવી છે.