ઓચ્છવ / પાપા ડાન્સ અને તારપા ડાન્સની મોજ : ધરમપુરમાં વિલ્સન હીલ ખાતે મોનસૂન ફેસ્ટિવલની શરૂઆત, જુઓ VIDEO

• અહીં મળશે તમને લીલોછમ્મ લહાવો
• પ્રકૃતિના ખોળે ઉલ્લાસનો ઓચ્છવ
• વિલ્સન હિલની ટેકરી તમને પોકારે

વલસાડ જિલ્લાના જાણીતા હિલ સ્ટેશન વિલ્સન હીલ પર  આજથી મોનસુન ફેસ્ટિવલનો આરંભ થયો છે. રાજ્યના નાણામંત્રી કનુભાઈ દેસાઈ એ આજથી મોન્સૂન ફેસ્ટિવલ ની  શરૂઆત કરાવી છે .ચાર દિવસ સુધી ચાલનાર આ ફેસ્ટિવલ માં  સમગ્ર ગુજરાત અને આસપાસના વિસ્તારથી પણ મોટી સંખ્યામાં પર્યટકો ઉમટસે.  ત્યારે  સાપુતારાની જેવું જ કુદરતી સૌંદર્ય ધરાવતા વલસાડના આ હિલ  સ્ટેશનના વિકાસ અને આ વિસ્તારમાં રોજગારીની નવી તકો ઉભી થશે તેવી શક્યતાઓ વર્તાઈ રહી છે. 

પાપા ડાન્સ અને તારપા ડાન્સની માણો મોજ 
વલસાડ જિલ્લાના ધરમપુર તાલુકાના અંતરિયાળ પહાડી વિસ્તારમાં જાણીતું પર્યટન સ્થળ  વિલ્સન હીલ આવેલું છે. આ વિલ્સને હિલ પહાડીઓ ની ટોચ પર છે. જ્યાં ચોમાસાના ચાર મહિના મોટેભાગે ધૂમસ વાદળછાયું અને  ઝરમર વરસાદ વરસતો હોય છે .આથી મોટી સંખ્યામાં  પર્યટકો અને પર્યાવરણ પ્રેમીઓ અહીં આવતા હોય છે. જોકે હવે આ વિસ્તારના વિકાસ માટે અને આ વિસ્તારમાં રોજગારીની નવી તકો ઉભી થાય તે માટે વલસાડ જિલ્લા વહીવટી તંત્ર દ્વારા આજથી ચાર દિવસ સુધી ચાલનારા મોનસુન ફેસ્ટિવલ નો આરંભ કરવામાં આવ્યો છે. રાજ્યના નાણામંત્રી કનુભાઈ દેસાઈ એ આ મોનસુન ફેસ્ટિવલ ની શરૂઆત કરાવી છે. અને ના સાપુતારા ની સમક્ષ  વિલ્સન હિલના વિકાસ માટે પ્રયાસ કરવામાં આવશે તેવી ખાતરી આપી હતી. 

હવે વિકાસ થકી થશે કાયાપલટ
આ પ્રસંગે રાજ્યના આદિજાતિ અન્ન અને નાગરિક પુરવઠા મંત્રી નરેશભાઈ પટેલ , રાજ્યના નર્મદા કલ્પસર અને પાણી પુરવઠા મંત્રી જીતુ ચૌધરી સહિત વલસાડ જિલ્લા કલેકટર અને ડીડીઓ અને જિલ્લા પોલીસવડા સહિત જિલ્લાના ઉચ્ચ અધિકારીઓ અને મોટી સંખ્યામાં સ્થાનિક લોકો અને પર્યટકો પણ આ પ્રસંગે ઉપસ્થિત રહ્યા હતા. મોનસુન ફેસ્ટિવલમાં આ વિસ્તારની આદિવાસી સંસ્કૃતિ ને  ઉજાગર કરવા વિવિધ આદિવાસી નૃત્ય અને લોકસંગીત ના કાર્યક્રમો  પણ યોજાયા હતા .ત્યારે આગામી સમયમાં આ વિસ્તારના વિકાસ માટે સરકાર દ્વારા પૂરા પ્રયાસ કરવામાં તે અંગે પ્રયાસ કરવામાં આવશે તેવી લાગણી રાજ્યના બે-બે મંત્રીઓ વ્યક્ત કરી રહ્યા છે. સાથે  આ વિસ્તારના વિકાસથી આ વિસ્તારની કાયાપલટ થશે તેવી પણ શક્યતાઓ વ્યક્ત કરી રહ્યા છે. 

હરિયાળી તમારું મોહી લેશે મન
મહત્વપૂર્ણ છે કે મોટેભાગે પ્રકૃતિ પ્રેમીઓ અને પર્યટકો સાપુતારા જવાનું વધારે પસંદ કરે છે. આથી ગુજરાત અને  દેશભરમાં સાપુતારા હિલ સ્ટેશન તરીકે  વધુ જાણીતું છે. પરંતુ સાપુતારા જેવું જ વલસાડનું અંતરિયાળ વિસ્તારનું વિલ્સનહિલ અત્યાર સુધી પર્યટકોમાં અજાણ હતું. પરંતુ અહીં પણ સાપુતારા જેવી જ વિકાસની શક્યતાઓ અને કુદરતી સૌંદર્ય ધરાવતા વિલ્સનહીલને હવે સાપુતારા ની સમકક્ષ વિકસાવવા માટે સરકાર દ્વારા પ્રયાસ કરવામાં આવે તો આ વિસ્તારની સંપૂર્ણ કાયક અલગ થઈ શકે છે.   મોનસુન ફેસ્ટિવલમાં હાજર પર્યટકો અને પ્રકૃતિ પ્રેમીઓ એ.  અહીં ની આદિવાસી સંસ્કૃતિ ખાન-પાન  અને લોકોની જીવન પદ્ધતિને નજીકથી નિહાળી ખુશી વ્યક્ત કરી  વિલ્સન હીલ ની  કુદરતી સૌંદર્યતા ના  પેટ ભરીને વખાણ કર્યા હતા.  અને સ્વર્ગ જેવો અહેસાસ વ્યક્ત કર્યો હતો. આ 4 દિવસીય ફેસ્ટિવલમાં  પ્રવાસીઓ  તારાપા  ,પેપાં  ,ઘેરૈયા નૃત્ય અને ડાંગી નૃત્યો નું ખાસ નજરાણું  માણી  શકશે . 

મોન્સૂન ફેસ્ટિવલની રમઝટ માણવા આવો
વલસાડ જિલ્લાના ધરમપુરના અંતરિયાળ પહાડી વિસ્તારમાં આવેલું આ વિલ્સનહીલ રાજા રજવાડાઓ વખતથી જાણીતું છે . અગાઉ ધરમપુરના રજવાડાના રાજાઓએ અને હવે  જિલ્લા વહીવટી તંત્ર વલસાડ અને ગુજરાત પર્યટન સ્થળ તરીકે પ્રયાસ કર્યા હતા.  ત્યારે હવે સાપુતારા ની જેમ જ આ પહાડી વિસ્તારમાં પણ કુદરતે છૂટા હાથે સુંદરતા બક્ષી છે.  અને ચોતરફ હરિયાળી છવાયેલી છે. આથી  આજુબાજુની સુંદરતા પણ મન મોહીલે છે.  ત્યારે આગામી સમયમાં સાપુતારા ની જેમ ધરમપુર નું આ વિલ્સન હિલ  પણ ખૂબ જાણીતું પર્યટન બનસે  તેમ લાગી રહ્યું છે.