ઝડપાયેલ નશીલો પદાર્થ અલ્પ્રાઝોલમ કે નોર્ડાઝેપામ હોવાની શક્યતા, કંપનીની અંદર નશીલા પદાર્થ બનાવતા હતા આરોપીઓ
વાપીમાં NCBએ કરી રેડ
નશીલા પદાર્થ બનાવવાનું રેકેટ ઝડપ્યું
4 આરોપીઓની અટકાયત કરી
ગુંજરાતમાં નશાના કાળા કારોબારીઓ ફૂલ્યા ફાલ્યા છે. ત્યારે હાલ ગુજરાત પોલીસની વિવિધ એજન્સીઑ હોય કે નેશનલ એજન્સી હોય આ વેપારને નેસ્ત નાબૂદ કરવા એક બાદ એક ઓપરેશન હાથ ધરી નશાના વેપલો કરનારને ઉઘાડા પાડી રહી છે.
68 કિલો નશાનો સામાન જપ્ત
ત્યારે વાપીમાં નાર્કોટિક્સ કંટ્રોલ બ્યૂરો એટલે કે NCBએ સપાટો બોલાવ્યો છે.GIDCની કંપનીમાંથી નશીલા પદાર્થ બનાવવાનું રેકેટ ઝડપી પાડ્યું છે.68 કિલો નશીલા પદાર્થ સાથે 4 આરોપીઓની અટકાયત કરી છે. ઝડપાયેલ નશીલો પદાર્થ અલ્પ્રાઝોલમ કે નોર્ડાઝેપામ હોવાની શક્યતા છે.
વોચ ગોઠવી રેકેટ ઝડપ્યું
છેલ્લા એક અઠવાડિયાથી NCBની ટીમ GIDCની આ કંપની તેમજ આરોપીઓ પર નજર રાખી રહી હતી.તેઓ કંપનીની અંદર નશીલા પદાર્થ બનાવતા હતા તેના પૂરતા પુરાવા એકત્ર કરી કંપની પર ટીમ ત્રાટકી હતી.નશીલા પદાર્થ બનાવવા માટેનું કેમિકલ સહિતનો મુદ્દામાલ જપ્ત કર્યો છે.NCBએ કંપની સીલ કરી વધુ તપાસ હાથ ધરી છે.
પૂછપરછમાં થઈ શકે મોટા ખુલાસા
આગળની તપાસમાં નશાના આ કાળા કારોબારની તમામ લીંકોનો પર્દાફાશ થશે. વાપી MD ડ્રગ્સના તમામ કનેક્શન તપાસમાં બહાર આવે તેવી શક્યતા છે. હાલ તો NCBની સૌથી મોટી કાર્યવાહીની ગુજરાતભરમાં ચર્ચા થઈ રહી છે. યુવાનોને નશાની લતે ચડાવનાર પર સંકજો કસાય તેવી માગ ઉઠી છે.