ત્રિપલ તલાક / મળશે ન્યાય..? ગુજરાતની આ મહિલાના પતિએ વિદેશથી આ રીતે આપ્યા તલાક

ઉલ્લેખનીય છે કે, તલાક બાબતે સજાની જોગવાઈ કરતો કાયદો ઘડાય તે પહેલા હજું પણ અનેક મહિલાઓ આ મધ્યકાલીન રિવાજનો ભોગ બની રહી છે. હવે તાજી ઘટના ગુજરાતમાં ઘટી છે. કોણ છે એ મહિલા જેનું જીવન બનાવી દેવાયું દોઝક. જોઈએ આ અહેવાલમાં 

કેન્દ્ર સરકાર મુસ્લિમ સમાજની મહિલા ઓની સુરક્ષાને લઇને ટ્રીપલ  તલાકના દુષણને ડામવા માટે  કડક કાયદો બનાવવા જઈ  રહી છે.  તેમ છતાં આજે પણ નિર્દોષ પરિણીતાઓને તેમના પતિ દ્વારા સાવ સામાન્ય બાબતે ત્રણવાર તલાક બોલી તરછોડાઈ રહી છે.  ત્યારે રાજ્યના છેવાડાના વલસાડના સંજાણમાં ફરી એકવાર ટ્રિપલ તલાક ને કારણે એક પરણિતાનું  જીવન દોઝક બની ગયું છે.  

વલસાડના નાનકડા સંજાણ ગામમાં રહેતા આ કાલીયા પરિવાર પરની આ પુત્રીના જીવન સાથે રમત રમાઈ ગઈ તેના માટે હવે લગ્નની  યાદો હવે માત્ર તસવીરો માં જ રહી ગઈ છે. ફરહીન કાલીયા નામની આ યુવતીના જીવનને ટ્રિપલ તલાક નો એરુ  આભડી ગયો છે. મૂળ સંજાણના પણ  માત્ર  ચાર માસ ઘેર રહેતા અને આઠ માસ વિદેશી દરિયામાં માછીમારી અર્થે સાગરખેડતા ફરહીનના પતિ જૈલુન અને  પતિના પરિવારજનોએ ફરહીનને whatsapp પર ત્રિપલ તલાક આપતાં ફરહીનના પગ નીચેથી ધરતી સરકી ગઈ છે. 

કારણ કે ફરહીનને  એક બાળક પણ છે. ફરહીન સાથે તેના પતિને અવારનવાર ઝગડા થતા હતા. તેનો પતિ તેના પર મનઘડંત આરોપ મૂકતો હતો અને  શારીરિક માનસિક અત્યાચારે હદ વટાવી દીધી હતી. જો કે તેના ફરહીનું કહેવું છે કે, સાસરિયાઓને દુખતું હતું પેટમાં અને કૂટતા હતા માથું. જેનો ભોગ તેમણે ફરહીનને બનવી. શું કારણ હતું ટ્રિપલ તલાકનું સાભળો ફરહીનના મુખે.  

જો કે, મુસ્લીમ સમાજમાં ત્રિપલ તલાકની એક વિશેષ વ્યવસ્થા છે. જેમાં તલાક આપ્યાના ત્રણ મહિના સુધી પરિસ્થિતિ સુધરવાની રાહ જોવામાં આવે છે અને એક બીજાને પોતાનો પક્ષ રજૂ કરવાની તક આપવામાં આવે છે. અને જરૂર જણાય તો ત્રણ મહિના સુધી બંને પરિવારોને સમજાવવા માં પણ આવે છે. 

પરંતુ તેમ છતાં વિદેશમાં રહેતા ફરહીના પતિએ ત્રિપલતલાકની જાણ પોતાની પત્નીના મોબાઈલ  કે પત્નીના માતા-પિતાના  મોબાઈલ પર નહીં. પરંતુ  પોતાની માતાના મોબાઈલ પર વોટસએપ કરી મોકલ્યો. તેની માતાએ આ ફોટો સંજાણ ખાતેના મુસ્લીમ સુન્ની જમાતના ટ્રસ્ટીઓને મોકલી આપ્યો. મુસ્લીમ સુન્ની જમાતે આ તલાકપત્રના ફોટોની  પ્રિન્ટઆઉટ કાઢીને ફરહીનના પિતાને સોંપી દીધી. 

પોતના પુત્રીને તલાક આપ્યાની જાણ થતાં એક પિતાની વેદનાનો પાર ન રહ્યો. પોતાની પુત્રીના પતિ દ્વારા આ રીતે કાયદા વિરુદ્ધ તલાક આપવમાં આવતાં સલીમભાઈ કાયદાકીય લડાઈ લડી લેવાના મૂડમાં દેખાય છે એટલું જ નહીં   તેઓ તલાક અને તલાક પદ્ધતિ બાબતે મુસ્લીમ જમાત ટ્રસ્ટના ઢીલા વલણ સામે પણ પોતાનો રોષ વ્યક્ત કરી રહ્યા છે.  

આગામી સમયમાં ફરહીનના  પરિવારજનો  વોટસ્એપ પર ત્રિપલ તલાકના મામલે  કોર્ટ  ના દ્વાર ખખડાવશે અને સરકારના ત્રિપલ તલાકના કાયદાનો કડકાઇથી અમલ કરાવવામાં આવે તેવી માંગ અત્યારથી જ કરી રહ્યા છે.  

આમ ફરહીનના પરિવારજનો તેની દીકરી પર થઈ રહેલા અત્યાચાર  અને  ટ્રિપલ તલાકના મામલે  ઉમરગામ પોલીસ સ્ટેશનમાં ફરિયાદ નોંધાવી છે.   સામાન્ય બાબતમાં મુસ્લિમ પરણીતાઓને  અપાઇ રહેલા ત્રિપલ તલાકના કિસ્સાઓ બનતા અટકે અને અન્ય કોઈ પરિવારની દીકરી સાથે આવા બનાવો ન બને તેવું ઈચ્છી રહ્યા છે.