બબાલ / ભંગાર કૌભાંડ મામલે વલસાડ નગરપાલિકામાં ઘમાસાણ, અપક્ષના રાજૂ મરચાં લઈ આવ્યા જૂતાનો હાર અને...

• વલસાડ નગરપાલિકાની બોર્ડ મિટિંગ શરૂ થાય તે પહેલા વિવાદ 
• બોર્ડ મીટીંગ પહેલા પાલીકાનો ભંગાર કૌભાંડ આવ્યો સામે 
• જૂના ટ્રિટમેન્ટ પ્લાન્ટનો ભંગાર બારોબાર વેચી દેવાયાનો આક્ષેપ

વલસાડ નગરપાલિકાની આજે સામાન્ય સભા મળી હતી. સામાન્ય સભા શરૂ થતાં જ તોફાની બની હતી. વલસાડ નગરપાલિકામાં અપક્ષ કોર્પોરેટર રાજુ મરચાં આજે સામાન્ય સભામાં 2 હાર લઈને આવ્યા હતા. એક ફુલોનો હાર  અને એક જૂતાઓનો હાર હતો. અપક્ષ કોર્પોરેટર સામાન્ય સભામાં જૂતાનો હાલ લઈને પહોંચતા આકર્ષણનું અને ચર્ચાનું કેન્દ્ર બન્યા હતા.

ભંગારના વેચાણ મુદ્દે ભ્રષ્ટાચારના અને ગેરરીતિઓના ગંભીર આક્ષેપો

જોકે સામાન્ય સભા શરૂ થતાં જ અપક્ષ સભ્ય રાજુ મરચાએ પાલિકાના કથીત ભંગાર કૌભાંડના મુદ્દે હંગામો મચાવી શાસક પક્ષ પર ભંગારના વેચાણ મુદ્દે ભ્રષ્ટાચારના અને ગેરરીતિઓના ગંભીર આક્ષેપો કર્યા હતા. પાલિકા ના જુના ટ્રીટમેન્ટ પ્લાન્ટ માંથી નીકળેલ ભંગાર ને બારોબાર  વેચી મારવાના આસપ અગાઉ પણ રાજુ પટેલ કરી ચુક્યા છે. જોકે કોઈ નક્કર પરિણામ ન આવતા આજે બોર્ડ મિરોંગ માં કોર્પોરેટરે હોબાળો મચાવ્યો હતો.

જૂતાનો હાર પહેરાવવામાં આવશે તેવી ચીમકી પણ ઉચ્ચારી

આક્ષેપો સાથે અપક્ષ સભ્ય રાજુ મરચાએ શાસકોને જણાવ્યું હતું કે જો  ભંગાર કૌભાંડમાં પાલિકા દ્વારા ફરિયાદ દાખલ કરવામાં આવશે તો તેઓ શાસકોને ફુલોનો હાર પહેરાવશે. પરંતુ  જો શાસકો ભંગારના કથિત કૌભાંડમાં ફરિયાદ દાખલ નહીં કરે તો તેમને જૂતાનો હાર પહેરાવવામાં આવશે તેવી ચીમકી પણ ઉચ્ચારી હતી. 

અપક્ષ સભ્ય રાજુ મરચાં પાલિકાની સભામાં ચપ્પલનો હાર લઈને આવતાં મુદ્દો ચર્ચાનું કેન્દ્ર બન્યો

આમ અપક્ષ સભ્ય રાજુ મરચાંને પાલિકાની સભામાં જાહેરમાં શાસકોને ભંગારના કચ્છી કૌભાંડના મુદ્દે જૂતાનો હાર પહેરાવવાની ચીમકી આપતા જ સભામાં ચકચાર મચી ગઈ હતી. આ રીતે વલસાડ નગરપાલિકાની આજે મળેલી સામાન્ય સભા શરૂઆતથી જ તોફાની બની હતી. અને શાસકો ને અપક્ષ સભ્ય એ ભ્રષ્ટાચારના મુદ્દે ભીંસમાં લીધા હતા , અપક્ષ સભ્ય રાજુ મરચાં પાલિકાની સભામાં ચપ્પલનો હાર લઈને આવતાં મુદ્દો ચર્ચાનું કેન્દ્ર બન્યો હતો. 

કૌભાંડ ચર્ચાનું કેન્દ્ર બને તેવી શક્યતાઓ

મહત્વપૂર્ણ છે કે આ અગાઉ પણ વલસાડ નગરપાલિકાની સામાન્ય સભાઓમાં અપક્ષ સભ્ય રાજુ મરચા આવી રીતે જ શાસકોને અનેક મુદ્દે ભીંસમાં લેતા આવ્યા છે. અને દર સામાન્ય સભામાં ચર્ચાનું કેન્દ્ર બનતા આવ્યા છે. ત્યારે આ વખતે પણ અપક્ષ સભ્ય રાજુ મરચાં કૌભાંડનો મુદ્દો સામાન્ય સભામાં ઉછાળી અને જૂતાનો હાલ લઈને સામાન્ય સભામાં આવવાનો અને શાસકોને કથિત કૌભાંડ મુદ્દે જૂતાનો હાર પહેરાવવાની ચીમકી આપતાજ મુદ્દો હવે ચર્ચાનું કેન્દ્ર બન્યો છે. અને વલસાડ નગરપાલિકામાં ભંગારના ભંગારના વેચાણ મુદ્દે કથિત કૌભાંડ આચરવામાં આવ્યું હોય તેવા શાસકો પર આક્ષેપો થઈ રહ્યા છે .આથી આવનાર દિવસોમાં વલસાડ નગરપાલિકામાં કથિત ભંગાર કૌભાંડ ચર્ચાનું કેન્દ્ર બને તેવી શક્યતાઓ વર્તાઈ રહી છે.