બેદરકારી / વલસાડમાં બનેલી ઘટના જોઈને તમે મલ્ટિપ્લેક્સમાં ફ્રેન્ચ ફ્રાઈસ ખાતા વિચાર કરશો, જુઓ Video

• ફિલ્મ જોવા જજો પરંતુ ફ્રેન્ચ ફ્રાઈસ ન ખાતા  
• ટોયલેટના પાણીથી તમારી ફ્રેન્ચ ફ્રાઈસના વાસણો ધોવાય છે
• મલ્ટીપ્લેક્સમાં 10 ગણા ભાવ લેવાય છે છતાં આવી બેદરકારી? 

આપણે ફિલ્મો જોવાના અને ખાવાના શોખિન છીએ. ત્યારે આ વીડિયો તમારો સ્વાદ બગાડી શકે છે. કારણ કે, તમે મલ્ટિપ્લેક્સમાં ફિલ્મ જોતા-જોતા જે ફ્રેન્ચ ફ્રાઇસની મજા માણો છો. તે આ ટોયલેટના પાણીમાં સાફ થઈને બને છે. તેના વાસણો અહીં સાફ થાય છે અને તે પણ ટોયલેટના ફૂવારા દ્વારા. આવું અમે નહીં પરંતુ વલસાડના રાજહંસ મલ્ટિપ્લેક્સનો આ વીડિયો કહે છે. જે એક ફિલ્મ જોવા ગયેલા નાગરિકે ઉતાર્યો છે. જેમાં એક કર્મચારી ફ્રેન્ચ ફ્રાઈસનું વાસણ ટોઈલેટના ફૂવારાથી સાફ કરી રહ્યો છે. જોકે વીડિયો ઉતારનાર વ્યક્તિએ આ કરતૂતને પોતાના કેમેરામાં કેદ કરી છે.

સામાન્ય રીતે મલ્ટિપ્લેક્સની કેન્ટીનમાં વાપરવામાં આવતા વાસણોને ધોવા માટે કેન્ટ્રીનની અંદર જ સુવિધા હોય છે. પરંતુ અહીં તો વાસણો ટોયલેટમાં ધોવાતા હતા. એનો મતબલ એવો થયો કે મલ્ટિપ્લેક્સમાં જે સ્વચ્છતા દેખાય છે તે માત્ર ફોટા પડાવવા માટે જ છે. બાકી દીવાલ પાછળની હાલત ખુબ જ ખરાબ છે. જોકે પોતાનો ભાંડો ફૂડતા જ કર્મચારીથી માંડીને રાજહંસ મલ્ટિપ્લેક્સના માલિકો પોતાના લૂલા બચાવમાં દોડતા થઈ ગયા.

મલ્ટીપ્લેક્સમાં 10 ગણા ભાવ લેવાય છે છતાં આવી બેદરકારી? 

સવાલ અહીં એ થાય છે કે આ પ્રકારે લોકોના સ્વાસ્થ્ય સાથે ચેડા શા માટે? મલ્ટીપ્લેક્સમાં 10 ગણા ભાવ લેવાય છે છતાં આવી બેદરકારી? હવે ટોયલેટના પાણીથી સાફ વાસણમાં ફ્રેન્ટ ફ્રાઇસ બનાવશો? શું કરી રહ્યું છે આરોગ્ય વિભાગ? શું આવા મલ્ટીપ્લેક્સોમાં આરોગ્ય વિભાગ ચેકિંગ નથી કરતું? આજે આરોગ્યની વાતો કરતા આરોગ્ય વિભાગની અહીં પોલ ખુલી ગઈ છે. જોકે સાથે-સાથે અહીં આવતા લોકોની ઊંઘ પણ ઉડી ગઈ છે. એટલે કે, ગુજરાતીઓ ફિલ્મ જોવા જજો પરંતુ ફૂડ ખાતા વિચારી લેજો.