કાર્યવાહી / વલસાડમાં લક્ઝુરિયસ કારમાંથી નીકળ્યા દારૂના 36 બોક્સ: PSI વોટ્સએપના માધ્યમથી ચલાવતો હતો ખેલ

• મહારાષ્ટ્રથી ગુજરાતમાં દારૂ ઘૂસાડવાના ષડયંત્રનો પર્દાફાશ
• વલસાડ LCB પોલીસે ભિલાડ પાસેથી દારૂ ભરેલી કાર ઝડપી 
• મહારાષ્ટ્રના PSI મુખ્ય સૂત્રધાર હોવાનો ચોંકાવનારો ખુલાસો

ગુજરાતમાં દારૂબંધી હોવા છતા અનેક વાર દારૂની રેમલછેલ જોવા મળે છે, રાજ્યમાં બૂટલેગરો દારૂ ઘૂસાડવા માટે સક્રિય થયા છે. નશાખોરોને ડામવા પોલીસ પણ એક્શનમાં છે તો બીજી તરફ ગુજરાતમાં દારુ ઘૂસાડવા માટે બૂટલેગરો પણ અવનવી તરકીબો અજમાવતા જોવા મળે છે ત્યારે મહારાષ્ટ્રથી ગુજરાતમાં દારૂ ઘૂસાડવાના ષડયંત્રનો પર્દાફાશ થયો છે.

મહારાષ્ટ્રથી ગુજરાતમાં દારૂ ઘૂસાડવાના ષડયંત્રનો પર્દાફાશ
મહારાષ્ટ્રથી ગુજરાતમાં દારૂ ઘૂસાડવાના ષડયંત્રનો પર્દાફાશ થયો છે. વલસાડ LCB પોલીસે ભિલાડ પાસેથી રૂપિયા 7 લાખ 87 હજારના મુદ્દામાલ સાથે 2 આરોપીની ધરપકડ કરી લીધી છે. જેમાં મહારાષ્ટ્રના PSI મુખ્ય સૂત્રધાર હોવાનો ચોંકાવનારો ખુલાસો થયો છે. વિગતો અનુસાર મહારાષ્ટ્રના PSI ધાનગડે વોટ્સએપના માધ્યમથી દારૂનો ઓર્ડર લેતા હતા જે બાબતે તલાસરીના PSI ધાનગડે સહિત 3 આરોપી વોન્ટેડ જાહેર કરાયા છે. વિદેશી દારૂ વડોદરા લઈ જવાતો હોવાનું પણ સામે આવ્યું છે. તમને જણાવી દઈએ કે, વલસાડ પોલીસે સમગ્ર મામલે આગળની કાર્યવાહી હાથધરી છે

રાજકોટમાંથી SMCએ દારૂ ઝડપ્યો હતો
રાજ્માં દારૂ બંધી હોવા છતાં પણ બૂટલેગરો બેફામ થયા હોય તેવા કિસ્સાઓ સામે આવી રહ્યાં છે. થોડા દિવસ અગાઉ રાજકોટમાં સ્ટેટ મોનિટરિંગ સેલે દરોડા પાડ્યાં હતાં. હિરાસર GIDCમાં દારૂનો જથ્થો ઝડપાયો હતો. જ્યાંથી લાખો રૂપિયાનો દારૂ ઝડપાયો હતો. 

રાજકોટમાં પણ દારૂની હેરાફેરીનો પર્દાફાશ 
થોડા દિવસ અગાઉ રાજકોટમાં દારૂની હેરાફેરીનો પર્દાફાશ થયો હતો. એરપોર્ટ પોલીસે દારૂનો જથ્થો ભરેલી 2 ટ્રક ઝડપી પાડી હતી. સ્ટેટ મોનિટરિંગ સેલ બાદ એરપોર્ટ પોલીસને સફળતા હાથે લાગી હતી. એરપોર્ટ પોલીસને તપાસ દરમિયાન દારૂનો જથ્થો ઝડપાયો હતો.